Ka li zaˬ˗euˬ dehꞈ ziˇ
Miˬyehˇ˗euˬ dawˬ˗ahˇ jah ziꞈ
Miˬyehˇ˗euˬ dawˬ˗aˬ, aˬ dui˗ahˇ dehꞈ poˆ dehꞈ paˇ nya ni caw ba nehˬ nya˗eu meh. (Heˬbyehˇ 4:12) Aˬ dui Jaˇliꞈ˗ahˇ neh gaˇ dahˇ tsoeˬ˗eu jeˬ za mawꞈ naˇ, Jaˇliꞈ˗aˬ, “Miˬyehˇ˗euˬ dawˬ pyeuꞈ” meh lehˇ ya jah˗eu meh. (1 Teˇsaˬloˇni 2:13) Aˬ dui Jaˇliꞈ˗ahˇ jah ziꞈ dzehˬ laˇ˗eu gʼaˇ duˬ, aˬ jeˬ jeˇ jahˇ nya˗eu nga?
Yawˬ nah na luꞈ Jaˇliꞈ gui. Jaˇliꞈ gui ngeh, Jaˇliꞈ˗aˬ, Yeˬhawˇbaˬ neh bi noeˬ doˆ˗euˬ laꞈ kʼoeˇ boꞈ ngaˬ lehˇ jah ziꞈ laˇ ni poˆ tseˇ. Yaw jeˬ ma jeˬ, Dawˬdaˬ sahˬ boꞈ laꞈ kʼoeˇ ahˇ˗eu nui noeˬ nui duˇ boꞈ taˬ˗euˬ myahˇ laˇ˗euˬ kʼawꞈ, nymˬ˗mˇ iˬ nah keuˆ ni maˇ diˇ zmˬ nya˗eu meh.—Dawˬdaˬ 13:20; 14:30.
Jaˇliꞈ˗ahˇ pyehˆ tseˇ. Jaˇliꞈ˗aˬ, Miˬyehˇ neh bi noeˬ doˆ˗euˬ laꞈ kʼoeˇ boꞈ ngaˬ lehˇ jah ziꞈ laˇ˗eu gʼaˇ duˬ, Yeˬhawˇbaˬ˗euˬ Saˇ kiˇ deuˬ˗euˬ poˆ tseˇ˗eu keu ka lehˇ ehˇ gaˇ toeˬ. Kʼoeˇ naˇ “Jaˇliꞈ” lehˇ boꞈ taˬ˗euˬ gaˇ tseˇ˗awˇ “Miˬyehˇ neh bi noeˬ doˆ˗euˬ laꞈ kʼoeˇ boꞈ” lehˇ ehˇ˗eu gaˇ kawˆ˗ahˇ gui. Kʼoeˇ uˬ taꞈ Miˬyehˇ˗euˬ dawˬ˗ahˇ jah dzehˬ laˇ˗eu gʼaˇ duˬ, Miˇ shuiꞈ dawˬ paˇ Jaˇliꞈ laꞈ kʼoeˇ˗euˬ Dzaw lahˬ A3-ahˇ haw lahˬ nya meh.
Aˬ dui Miˬyehˇ˗euˬ dawˬ˗ahˇ aˬ jeˬ miˇ neh ya jah˗eu nga? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Iˇjiˇtuˆ miˇ kʼahˬ˗euˬ Kaˇnaꞈ meuˬ˗euˬ meuˬ lahˇ˗ahˇ boꞈ taˬ˗euˬ aˇ baˇ poˆ mawˇ˗euˬ heu naˇ, Miˬyehˇ˗euˬ dawˬ˗aˬ, maˇ diˇ jah nya˗eu lehˇ aˬ joˆ˗ehˇ siˬ laˇ˗eu nga?
Jaˇliꞈ laꞈ kʼoeˇ˗euˬ dawˬ deuˬ maˬ poˆ maˬ paˇ laˇ˗eu lehˇ aˬ dui aˬ jeˬ miˇ neh jah nya˗eu nga?
Jaˇliꞈ nymˬ˗mˇ iˬ nah keuˆ ni jaˆ keuˆ laꞈ˗euˬ heu naˇ, maˇ diˇ Miˬyehˇ˗euˬ dawˬ pyeuꞈ˗eu lehˇ aˬ joˆ˗ehˇ siˬ laˇ˗eu nga?—Iˇsaˬyaˇ 40:8-ahˇ gui