Uˆ lahˇ˗eu aˇ muˇ yaw shuiꞈ gʼaˬ

2018 kʼoꞈ, Tiˬ siˬ ba la 24, jawˇ nah dzeuˇ smˬ nah, uˬ shawˬ paw˗ahˇ, Aˬmeˬliˇkaˬ hawˇ˗eu Kehˇnaˬdaˬ˗ahˇ˗euˬ Beˬdeˬlaˇ nymˇ jiˇ deuˬ nui ma cehˇ tahˬ tahˬ laˇ paˬ˗ehˇ gʼeh˗eu gaˇ kawˆ˗ahˇ ya gaˬ˗euˬ meh. Teu naˇ Mehˇ nmˇ Keˇneꞈ Kuˇ Juˇniˬ˗yaˬ˗ahˇ Yeˬhawˇbaˬ˗euˬ Saˇ kiˇ deuˬ˗euˬ Uˆ lahˇ˗eu aˇ muˇ tiˬ gʼaˬ bi geuꞈ laˇ˗euˬ gaˇ kawˆ heu meh.

Mehˇ nmˇ Keˇneꞈ Kuˇ naˇ Aˬmeˬliˇkaˬ miˇ kʼahˬ, Peˬsiˬgʼoeˬniˬ˗yaˬ gahˬ kaˬ laꞈ oˆ paw gʼahˇ ceh kaˬ˗ahˇ dehꞈ le˗awˇ huiˬ laˇ˗euˬ meh. Aˬ yawꞈ tseˇ nyiꞈ daˇ maˬ dzaw jiˇ mi naˆ˗ehˇ, sahˬ boꞈ dzaw cawˬ tiˬ gʼaˬ˗ahˇ neh yaw tsaˬ yaw dawˇ ya dzaw˗awˇ, 1980 kʼoꞈ, Koꞈ siˬ ba la 7 nah˗ahˇ iˇ cuꞈ shawˇ˗euˬ meh. Aˬ yawꞈ 1982 kʼoꞈ, Gʼoeˬ siˬ ba la 1 nah˗ahˇ, aˬ myah luꞈ huˬ mehˬ mehˬ˗eu gʼaˬ geuꞈ dahˬ beh˗awˇ, huˬ mehˬ mehˬ˗eu gʼaˬ geuꞈ laꞈ˗euˬ nyiˬ siˬ naˇ, 1984 kʼoꞈ, Tseˇ siˬ ba la 12-ahˇ, Niˬ˗yuˬ Yawˇ meuˬ, Gʼawˇkiˬ˗uˬ˗euˬ Beˬdeˬlaˇ˗ahˇ mˇ iˇ˗euˬ meh.

Beˬdeˬlaˇ˗ahˇ mˇ laꞈ˗euˬ 25 kʼoꞈ heu kaˬ˗ahˇ, Mehˇ nmˇ Keˇneꞈ Kuˇ gaˇ yaw myaˬ jeˬ ya mˇ˗euˬ meh. Aˬ yawꞈ sahˬ boꞈ yaˬ˗eu paw hawˇ˗eu Beˬdeˬlaˇ˗euˬ gaˇ law muˇ gʼawˬ mya jeˬ mˇ˗euˬ meh. Aˬ yawꞈ 1996 kʼoꞈ˗ahˇ Jeˇmiˬ nehˬ˗ehˇ sheuˬ dahˬ dzaˬ˗awˇ, Gʼawˇkiˬ˗uˬ˗ahˇ tiˬ kawˆ luꞈ˗ehˇ mˇ˗euˬ meh. Kʼoeˇ naˇ 2009 kʼoꞈ byah laˇ ngeh, Tseˇ nyiꞈ siˬ ba la˗ahˇ aˬ yawꞈ nyaꞈ dzeˇ zaˬ Niˬ˗yuˬ Yawˇ meuˬ, Pehˇteu saˬ Gʼawˇ˗ciˬtaoˬbeuˇ dzaw nymˇ˗ahˇ ya jawˇ iˇ˗awˇ, teu gaˇ mehˇ nmˇ deuˬ neh boꞈ leꞈ˗euˬ sahˬ boꞈ˗ahˇ dawˬ kʼoꞈ biꞈ˗eu paw ya mˇ iˇ˗euˬ meh. Kʼoeˇ naˇ aˬ yawꞈ nyaꞈ Gʼawˇkiˬ˗uˬ˗ahˇ tiˬ kʼehˬ paˇ ya jawˇ kʼoꞈ laˇ˗awˇ, 2016 kʼoꞈ, Oeˬ siˬ ba la˗ahˇ Niˬ˗yuˬ Yawˇ meuˬ Buˇkiˬ˗liˬ˗ahˇ paˇ ya jawˇ iˇ˗euˬ meh. Kʼoeˇ gaˇ neh ngaˬ siˬ naˇ, aˬ yawꞈ nyaꞈ Niˬ˗yuˬ Yawˇ meuˬ, Gʼawˇgʼoiꞈ˗euˬ saˇ naˇ dawˬ pehˬ hmˬ˗ahˇ ya jawˇ iˇ˗euˬ meh. 2017 kʼoꞈ, Tiˬ siˬ ba la˗ahˇ Mehˇ nmˇ Keˇneꞈ Kuˇ Uˆ lahˇ˗eu aˇ muˇ˗euˬ boꞈ˗eu paw caw ba˗eu gʼaˬ ya geuꞈ˗euˬ meh.