Loꞈ˗eu nymˇgoˇ laꞈ kʼoeˇ˗euˬ nyiˬ kawˆ aˬ yawꞈ kawˆ

Mehˇ nmˇ gʼawˬ mya gʼaˬ mehˬ bawˬ˗euˬ gʼaˇ duˬ lehˬ hmˬ ngeh JW Laiˇbaˬliˬ zmˬ˗eu meh. Teu naˇ Loꞈ˗eu nymˇgoˇ dzaw˗eu dmˬ˗ahˇ yaw awˬ˗ehˇ ahˇ leˇ nya˗eu miˇ neh mehˇ nmˇ deuˬ ya leˇ˗eu meh. Loꞈ˗eu nymˇgoˇ dzaw˗eu dmˬ laꞈ kʼoeˇ nui jah gʼaˬ bi kʼaˆ laˇ˗eu Loꞈ˗eu nymˇgoˇ laꞈ kʼoeˇ˗euˬ nyiˬ kawˆ aˬ yawꞈ kawˆ ahˇ˗eu meh. Aˬ dui JW Laiˇbaˬliˬ laꞈ kʼoeˇ nyiˬ kawˆ aˬ yawꞈ kawˆ lehˇ ehˇ˗eu teu kawˆ˗ahˇ aˬ joˆ˗ehˇ ahˇ leˇ nya˗awˇ, gaˇ dahˇ tsoeˬ˗eu jeˬ aˬ joˆ˗ehˇ za nya˗eu nga?

• Loꞈ˗eu nymˇgoˇ yawˬ kawˆ na luꞈ˗euˬ laꞈ oˆ oˆ saˬ˗ahˇ “Haw lahˬ” lehˇ ehˇ˗eu uˬ dzah tiˬ hmˬ jaˆ˗eu meh. Teu˗euˬ laꞈ oˆ jaˆ˗eu “Heu dmˬ laꞈ kʼoeˇ˗euˬ gaˇ kawˆ nui deuˬ” lehˇ ehˇ˗eu liˆ˗kuiꞈ˗ahˇ toeˬ ahˇ. Aˬ dui liˆ˗kuiꞈ teu hmˬ˗ahˇ toeˬ ahˇ leꞈ naˇ, teu dmˬ laꞈ kʼoeˇ˗euˬ gaˇ kawˆ nui deuˬ˗euˬ uˬ dzah deuˬ˗ahˇ ya mawˇ˗awˇ, aˬ dui aˬ geu kawˆ˗ahˇ dzaw luꞈ˗eu lehˇ jiˇ ya siˬ meh. Kʼoeˇ uˬ taꞈ, teu gaˇ nawˇ gui mawꞈ˗eu nyiˬ kawˆ aˬ yawꞈ kawˆ˗euˬ uˬ dzah˗ahˇ jiˇ ya mawˇ meh.

• JW Laiˇbaˬliˬ laꞈ kʼoeˇ˗euˬ aˇ dahˬ beh˗eu myaˆ pyawˬ˗ahˇ “Yaw shuiꞈ aˬ jeˬ jaˆ nga?” lehˇ ehˇ˗eu tsahˇ˗ahˇ Loꞈ˗eu nymˇgoˇ yaw shuiꞈ dmˬ daoˇloˆ nya meh. Nawˬ neh daoˇloˆ taˬ˗euˬ gaˇ toeˬ ahˇ naˇ, teu dmˬ laꞈ kʼoeˇ˗euˬ gaˇ kawˆ yawˬ kawˆ na luꞈ˗ahˇ ya mawˇ meh. Gaˇ dahˇ tsoeˬ˗eu jeˬ tiˬ byah tiˬ loꞈ za˗eu gʼaˇ duˬ gaˇ kawˆ yawˬ kawˆ na luꞈ˗ahˇ gui luꞈ˗uˇ.