Jaˇliꞈ aˇ deuˆ deuˬ˗ahˇ noeˬ taˬ kaˇ˗euˇ

Nawˇ Jaˇliꞈ aˇ deuˆ deuˬ noeˬ taˬ˗eu yaw shaˬ nya lehˇ noeˬ haw maˬ loˇ? Maˬ muiˬ˗eu nui noeˬ˗ahˇ deuˆ gʼaˬ nya ni caw ba nehˬ˗eu Jaˇliꞈ aˇ deuˆ deuˬ˗ahˇ maˬ ehˇ, aˬ cawˬ˗ahˇ ehˇ nehˬ paˬ˗ehˇ gʼeh˗eu Jaˇliꞈ aˇ deuˆ deuˬ˗ahˇ maˬ ehˇ, noeˬ taˬ˗eu yaw shaˬ nya lehˇ noeˬ haw maˬ loˇ? (Ja ceuˬ 119:11, 111) Jaˇliꞈ aˇ deuˆ deuˬ˗ahˇ noeˬ taˬ nya˗eu gʼaˇ duˬ nui noeˬ nui duˇ tiˬ jeˬ na˗ahˇ shaˇ noeˬ haw.

• JW Laiˇbaˬliˬ ehˆ zmˬ. Teu laꞈ kʼoeˇ “Ya leˇ˗eu Jaˇliꞈ aˇ deuˆ deuˬ” lehˇ tsawˇ myahˇ biꞈ˗awˇ, Tehˬ laˆ baw taˬ. Noeˬ taˬ mawꞈ˗eu Jaˇliꞈ aˇ deuˆ deuˬ teu gaˇ yuˇ taˬ.

• Noeˬ taˬ mawꞈ˗eu Jaˇliꞈ aˇ deuˆ deuˬ mawˇ laˇ gaˇ bi jaˆ. Tiˬ gʼaˬ na aˇ baˇ kʼawˆ teuꞈ˗ahˇ dehˬ myahˬ taˬ˗awˇ, tiˬ gʼaˬ na naˇ iˇ tsehˆ bahˬ keuˆ˗ahˇ dehˬ myahˬ taˬ˗eu meh. Tiˬ gʼaˬ na˗aˬ, kahˬpyuˇteuˬ hawˇ˗eu naˬ gaˬ lawˬ muˇ˗ahˇ mehˬ shi shi saˬ˗ahˇ mawˇ laˇ gaˇ yuˇ taˬ˗eu meh.

• Sahˬ boꞈ aˇ taꞈ taꞈ zaˬ neh noeˬ taˬ. Sheuˬ gʼaˬ aˇ taꞈ taꞈ zaˬ˗ahˇ tiˬ paw paˆ naˇ, gaˬ naˇ yaw huiˬ yaw nyiˇ boꞈ taˬ˗awˇ, dzaˇ˗i tiˬ paw paˆ naˇ, Jaˇliꞈ aˇ deuˆ˗euˬ sahˬ boꞈ boꞈ taˬ. Jiˇ naˇ, gaˇ naˇ yaw huiˬ yaw nyiˇ haw˗awˇ teu deuˆ aˬ jeˬ ehˇ law˗a lehˇ maˬ haw ni ehˇ dzaw haw. Maˬ ngeuˇ naˇ, Jaˇliꞈ teu deuˆ˗euˬ sahˬ boꞈ˗ahˇ haw˗awˇ, gaˬ naˇ yaw huiˬ yaw nyiˇ aˬ jeˬ˗a lehˇ ehˇ dzaw haw.

(Taiˬ hawˇ˗eu Mam dawˬ˗ahˇ haw nya meh.)