Ɛntɛnɛti ji jugbajahadoxuwo: Ze nɔ fɛncawo

ENU CI YÍ TAÐO ELE VEVIÐE: Shigbe mɔ edɔwanu sugbɔtɔ hannɛɔ, ɛntɛnɛti ji jugbajahadoxuwo atɛnŋ akpedo mì nu alo anyi afɔku nɔ mì. Kristotɔ ɖewo sɔ gbeta mɔ yewodazan ɛntɛnɛti ji jugbajahadoxuwo o. Kristotɔ buwo zinkɔ yí sɔ xokɔ nuxu koɖo wowo xomumɛtɔwo koɖo wowo xlɔwo. Ele ahan gan, Satana jikɔ mɔ mìwo le zan ɛntɛnɛti ji jugbajahadoxuwo ŋɖɛmanyatɔ, keŋ nɔ adahɛn ŋkɔ nywi koɖo gbɔngbɔnmɛnyinyi mìwo tɔ. Shigbe mɔ Yesu hannɛɔ, mìatɛnŋ azan gɔnmɛɖose ciwo yí le Mawu Nyɔ lɔ mɛ, yí asɔ do jeshi afɔku lɔwo keŋ aze nɔ wo.​—Lk 4:4, 8, 12.

FƐNCA CIWO YÍ MÌAZE NƆ:

• Ɛntɛnɛti ji jugbajahadoxu nyɔtakankanwo zanzan madrɔmadrɔ. Gamɛzanzan madrɔmadrɔ do ɛntɛnɛti ji jugbajahadoxuwo nu, alo do ɛntɛnɛti ji jugbajahadoxu nyɔtakankanwo nu atɛnŋ axɔ gamɛ vevi ciwo yí ʒan nɔ gbɔngbɔnmɛnuwo

  Bibla gɔnmɛɖosewo: Efe 5:15, 16; Fili 1:10

• Enu ciwo nu yí enyɔ le kpɔkpɔ koɖo wowo hlɛnhlɛn. Foto ciwo yí ana mìaɖo gbɔdɔndɔn susuwo kpɔkpɔ, atɛnŋ ana yí mìavanyi hwashi nɔ mamaɖeɖenuwo kpɔkpɔ, alo ana mìavanɔ gbɔdɔndɔn masɔkoɖose gbe. Xɔsegbetɔwo nuwo alo susu ciwo yí amɛwo ɖo do enuwo nu hlɛnhlɛn kpɔ atɛnŋ agble mìwo xɔse

  Bibla gɔnmɛɖosewo: Mt 5:28; Fili 4:8

• Foto koɖo enyɔ masɔgbewo sɔsɔ do ɛntɛnɛti ji. Ci yí mìwo ji nyi amɛbletɔɔ, mɛɖe atɛnŋ aɖui koŋ yí asɔnɔ enyɔ masɔgbewo koɖo foto dɔndɔnwo donɔ ɛntɛnɛti ji jugbajahadoxuwo ji. Vɔ, enuwana ŋtɔ́ atɛnŋ adahɛn ŋkɔ nywi ci yí le mɛɖe shi alo adɔ mìaklɛn afɔ le gbɔngbɔnmɛ

  Bibla gɔnmɛɖosewo: Rɔm 14:13; Efe 4:29

KPƆ VIDEO CI YÍ NYI ZAN ƐNTƐNƐTI JI JUGBAJAHADOXUWO LE NUNYA MƐ, KEŊ ANYA LÉ ÀTƐNŊ AZE NƆ ENU CIWO YÍ GBƆKƆ DO: