Mawu Nyɔ lɔ venɔ nɔ eoa?

Yehowa susu koɖo yi nyɔwo yí le Bibla mɛ. Eyi gbɔ yí wema kɔkɔɛ cɛ so. (2 Piɛ 1:20, 21) Bibla dasɛ petii mɔ Yehowa yí je akpa cɛ to yi Fyɔɖuxu ji. Ecɛ na mɔkpɔkpɔ agbetɔwo pleŋ mɔ, enuwo anyɔ sabaaɖe yɛ. Bibla gbenu lé mìwo Da ci yí le jeŋkwimɛ Yehowa lɔnnɔ amɛ do nɔ mì.—Eha 86:15.

Susu vovovowo yí na Yehowa Nyɔ lɔ venɔ nɔ mɛɖekaɖeka le mí mɛ. Mìhlinni ŋkeŋke yí gbewanɔ do ji le mìwo gbenɔnɔ mɛ yí sɔ danasɛ mɔ enunana vevi cɛ venɔ nɔ mìa? Mína mìwo nuwanawo adanasɛ mɔ mìlɔn do ehajitɔ lɔ nyɔ cɛwo ji mɔ: “Ŋlɔn ao se lɔ taŋ!”—Eha 119:97, nwt.

KPƆ VIDEO CI YÍ NYI WOYƆ BIBLA MƆ ENUNƆNWI—AKPAXWE KLEŊ (WILLIAM TYNDALE), KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• 

  Nyi yí taɖo William Tyndale ɖe Bibla kpaxwe ɖeka gɔnmɛɔ?

• Nyi yí taɖo agbla ciwo eje yí sɔ ɖe Bibla gɔnmɛ nyi ŋɖeka ci yí kpaca amɛɔ?

• Lé wowɛ yí sɔ Tyndale Bibla va Angleterre le bebemɛɔ?

• Lé mɛɖekaɖeka le mì mɛ adasɛ do mɔ Mawu Nyɔ lɔ jeŋ nɔ yeɔ?