NÀ NƆ AO SUMƆSUMƆDƆ ANYƆ DOJI | TEKPƆ NƆ JI AJƆNƆ EO LE KUNUÐEÐEDƆƆ MƐ DOJI
Ao nukplamuwo le yinɔ jimɛ nɔ ao nukplaviwo
Jimɛnyɔ yí tonusese nɔ Mawu nyi. (Elododo Wema 3:1) Eyi taɖo nɔ mìkplakɔ nu koɖo amɛwoɔ, mìɖo atekpɔ keke nɔ nyɔ lɔ ayi jimɛ nɔ wo. Lé mìawɛɔ?
Ŋgbekpla Bibla mɛ nyɔnɔnwiwo ao nukplavi kpoŋ o. Vɔ kpedo nu akpɔ lé awa do enu ci ekplakpla ji koɖo lé awɛ yí lé yɛ koɖo Yehowa le anyɔ doji. Kpedo nu akpɔ lé Bibla mɛ sewo dasɛ mɔ, Mawu nyi lɔnlɔn, xomɛvunɔ koɖo Mawu jɔjɔɛ. Sɔ ayexa biɔ enyɔwo yi se ɖɔɖɔɖɔ yí asɔ kpedo nu nɔ akpɔ lé ekpɔkpɔ enu ciwo ekplakɔ do. Kpedo nu akpɔ enywi ciwo awa ni nɔ etekpɔ yí mi enudɔndɔn ɖe ci ewanɔ sa wawa. Nɔ èkpɔ ao Bibla nukplavi lɔnkɔ Yehowa nyao mɛ tɔɔ, eji ci yí jɔkɔ eo agbesugbɔ doji.
MÍKPƆ VIDEO CI YÍ NYI EJI LE JƆ EO LE ENUKPLAVIWOWAWADƆ LƆ MƐ—AO KUNUÐEÐE MƆNUWO LE NYƆ DOJI—AO NUKPLAMUWO LE YINƆ JIMƐ NƆ AO NUKPLAVIWO KEŊ AÐO ENYƆBIƆSE CIWO MÌAKPƆ YƐ ŊCI:
Neta biɔ Ʒake se mɔ: “Èbu tamɛ kpɔ so enu ci mìkpla vayi tɛnigbe nua?” Nyi yí taɖo ebiɛ se ahan ɔ?
Lé Neta kpedo Ʒake nu ekpɔ mɔ lɔn Yehowa lɔn ye yí do se ciwo yí le Bibla mɛɔ?
Nɔ mìtekpɔ yí enu ciwo mìkplakɔ koɖo mìwo nukplaviwo yikɔ jimɛ nɔ woeɔ, adɔ woayi ŋkɔ
Lé Neta kpedo Ʒake nu ekpɔ lé alɔn Mawu doɔ?