Kpedo Bibla nukplaviwo nu nɔ woaɖu adɛn dɔndɔnwo ji

Mɛ ciwo yí nɔnɔ agbe mɛmi ɖekɛ yí atɛnŋ anyi exlɔ bakpomadɔnwo koɖo Yehowa. (1 Piɛ 1:14-16) Nɔ Bibla nukplaviwo ɖuɖuɔ adɛn vwinwo jiɔ, woatɛnŋ agbekpɔkɔ ale le mɛ le xomu mɛ, le lanmɛsɛn mɛ, koɖo le eho nyɔwo kpaxwe.

Dre agbenywinɔnɔ se Yehowa tɔ lɔwo mɛ gbajɛɛ, ŋciwo yí taɖo edo se lɔwo, koɖo enywi ci mìakpɔ nɔ mìwa do wo ji. Kpɔtɔ akpekpeɛ do ao nukplaviwo nu nɔ woatrɔ lé wobunɔ tamɛ kpɔ do, eyi woavasun ji awanɔ ŋci Yehowa ji mɔ wo le wa. (Efe 4:22-24) Na wo kankandoji mɔ le Yehowa kpekpedonu mɛɔ, woasun ji aɖu adɛn vwin ɖekpokpui ci yí do ke do wo mɛ ji. (Fili 4:13) Kpla wo nɔ woafannɔ kwi nɔ Yehowa nɔ wole nɔnɔmɛ ɖe ci yí adɔ woawa nuvɔn mɛ. Kpedo wo nu nɔ woajeshi nɔnɔmɛ ciwo yí anyi tetekpɔ nɔ wo keŋ aze nɔ wo. Do ŋsɛn wo nɔ woasɔ enunywi buwo ɖɔli adɛn vwin lɔwo. Jijɔ gangan enyi nɔ Bibla nukplaviwo sun ji yí wa trɔtrɔwo to Yehowa kpekpedonu mɛ.

MIKPƆ WADASƐ VIDEO CI YI NYI KPEDO BIBLA NUKPLAVIWO NU NƆ WOAGBE ADƐN VWINWO, KEŊ AÐO NYƆBIƆSE CIWO MÌAPƆ YƐ ŊCI:

• 

  Lé hamɛmɛshinshinwo koɖo Neta na kankandoji Ʒake mɔ yɛasun ji ami yi dɛn vwin lɔ doɔ?

• 

  Lé Neta gbekpedo Ʒake nu doɔ?

• 

  Lé Ʒake ji kpekpedonu so Yehowa gbɔ doɔ?