Lɔn àxɔnɔ Yehowa kpekpedonu to gbedodoɖa ji

Yehowa yí wɛ yí nyɔnɔnwi ku lɔ donɔ ke yí shinnɔ le mɛɖe ji mɛ. (1 Korɛntitɔwo 3:6-9) Eyi taɖo nɔ mìawa kunuɖeɖedɔ lɔ nywiɖeɔ, mìɖo ago kpo do Yehowa nu mɔ akpedo mìwo koɖo mìwo Bibla nukplaviwo nu.

Nu nɔ Yehowa nɔ akpedo ao Bibla nukplaviwo nu nɔ woaɖu amɛjiʒinʒin koɖo mɔxenuwo ji. (Filipitɔwo 1:9, 10) Nu enu ci èjijiɛ teŋ. Do gbe aɖa abiɔ gbɔngbɔn kɔkɔɛ nɔ akpedo eo nu le nu ciwo èbukɔ kpɔ, koɖo le ao nuwanawo mɛ. (Luiki 11:13) Kpla ao Bibla nukplaviwo lé woadonɔ gbe ɖaɖa do yí ado ŋsɛn wo nɔ woadonɔ gbe ɖaɖa. Do gbe ɖaɖa koɖo ao Bibla nukplaviwo yí adonɔ gbeɖaɖa do ta nɔ wo yí azannɔ wowo ŋkɔwo le gbedodoɖa lɔwo mɛ.

MÍKPƆ VIDEO CI YÍ NYI EJI LE JƆ EO LE NUKPLAVIWOWAWADƆ LƆ MƐ—LƆN ÀXƆNƆ YEHOWA KPEKPEDONU—GBEDODOÐA, KEŊ AÐO NYƆBIƆSE CIWO MÌAKPƆ YƐ ŊCI:

• Cukaɖa ci yí Neta do go le enukplakpla koɖo Ʒake mɛɔ?

• Lé 1 Korɛntitɔwo 3:6 kpedo Neta nu doɔ?

• Lé Neta wɛ yí kpɔ cukaɖa lɔ gbɔɔ?