Kpla ao Bibla nukplaviwo nɔ woanya lé wowoŋtɔwo akpla nu so Yehowa nu do keŋ ate gogui

Gbɔxwe mìwo Bibla nukplaviwo ashin le gbɔngbɔnmɛ yí avanyi Kristotɔ gbɔngbɔnmɛmɛwoɔ, woɖo akpla nu wu nyɔnɔnwi ciwo mìkplanɔ wo. (Matie 5:3; Ebretɔwo 5:12–6:2) Woɖo agbekpla lé wowoŋtɔwo akpla nu so Yehowa nu do keŋ ate gogui.

Le tɔtɔmɛɔ, dasɛ lé woadranɔ Bibla nukplakpla do nɔ ao Bibla nukplaviwo, yí ado ŋsɛn wo mɔ wo le wɛni. (mwb18.03 6) Do ŋsɛn wo mɔ, gbɔxwe woatɔ amɛɖekɛnukplakpla jiɔ, wo le donɔ gbe ɖaɖa. Kpedo wo nu nɔ woaɖo edɔwanu ciwo le ka ji ciwo mìsɔ kplanɔ nu yí azannɔ wo. Dre lé woakpɔnɔ enu yoyu ciwo yí le jw.org ji koɖo lé woawɛ akpɔnɔ JW Televiʒiɔn^® wanawo. Kpla wo vivivi lé woahlɛnnɔ Bibla do ŋkeŋke, adranɔ hamɛ bɔbɔwo do koɖo lé woajinɔ ɖoŋci kpɔ nɔ wowoŋtɔwo nyɔbiɔsewo. Kpedo wo nu woabunɔ tamɛ kpɔ so enu ci wokpla nu.

MÍKPƆ WADASƐ VIDEO CI YÍ NYI KPEDO AO BIBLA NUKPLAVIWO NU NƆ WOANYA LÉ WOWOŊTƆWO AKPLA NU SO YEHOWA NU DO KEŊ ATE GOGUI, YÍ AÐO ENYƆBIƆSE CIWO MÌAKPƆ YƐ ŊCI:

• 

  Lé Neta kpedo Ʒake nu evakpɔɛ mɔ de ɖoŋciwo nyanya ɖekɛ yí enukplakpla nyiɔ?

• 

  Nyi yí kpedo Ʒake nu ekando ji mɔ Yehowa nyɔ le mɛ ci egbe gbɔdɔndɔn masɔkoɖoseɔ?

• 

  Nyi mɛ Ʒake vamɔŋje so tamɛbubukpɔ nuɔ?