Xo Nuxu So Enu Ci Èkpla Nu Nɔ Mɛbuwo

Bibla kplakpla wanɔ nywi nɔ mì, vɔ mìatɛnŋ agbekpɔ nyɔna sɔwu nɔ mìxo nuxu so Bibla mɛ nuvevi doŋsɛn-amɛ ciwo mìkpɔ le enukplakpla lɔ mɛ nɔ mɛbuwo. Elododo Wema 11:25 nu mɔ: “Nɔ è kpe do amɛ buwo nu ɔ, eyi à ɖu ele sugbɔ eoŋtɔ.”

Nɔ mìxo nuxu so enu ciwo mìkpla nu nɔ mɛbuwoɔ, ana yí mìatɛnŋ avaɖo ŋwi susu vevi lɔwo sɔwu fafɛɖe le yiyimɛ yí atɛnŋ agbena mìagbemɔŋje enu lɔ mɛ sugbɔ doji. Gbesɔ kpe niɔ, ci susu vevi cɛwo atɛnŋ awa nywi nɔ mɛbuwoɔ, nɔ mìnu Bibla mɛ nuvevi lɔwo nɔ woɔ, ana yí mìakpɔ jijɔ.—Edɔ. 20:35.

Te enu cɛ kpɔ: Le kwɛshila ci yí gbɔgbɔ mɛɔ, ji emɔ ɖeka ci yí ahun nɔ eo nɔ nanu enu ci èkpla nɔ mɛbuwo. Àtɛnŋ awa cɛ koɖo ao xomumɛtɔ ɖe, nɔ mɛɖe le hamɛ lɔ mɛ, ao suklukpena ɖe, ao xwexatɔ ɖe alo mɛɖe ci èdogo le kunuɖeɖedɔ lɔ mɛ.

Ðo ŋwi: Nuxuxoxo so enu ci èkpla nu nɔ mɛbuwo ado ŋsɛn wo, denyi àdasɛ nɔ wo mɔ yenyaŋɖɛ sɔwu wo yɔ o.—1 Kor. 8:1.