Russie tɔ ahwa koɖo Ukraine

Le 24 février 2022 fɔnfɔnmɛɔ, Russie tɔ ahwa koɖo Ukraine ci xexeɛ mɛ ga sugbɔ dejijiɛ mɔ ahwa cɛ le jɔ can. Lé ahwa lɔ atɛnŋ adahɛn nu le xexe lɔ nu doɔ? António Guterres ci yí nyi wemaŋwlɛtɔ nɔ Jukɔnwo xoxoxu gbɛbɔbɔ lɔ nu vayi zaanɖe yɛ mɔ: “Mìdatɛnŋ anya efunkpekpe ciwo ahwa cɛ ahɛn vɛ koɖo enu ciwo pleŋ adahɛn le Europe koɖo xexe lɔ pleŋ mɛ o.”

Lé Bibla nu so enujɔjɔ cɛ hanciwo nuɔ?

• Yesu Kristo nu mɔ ega avaxo yí “jukɔnwo a sojete do jukɔn buwo ji, yi fyɔjuwo a sojete do fyɔju buwo ji.” (Matie 24:7) Hlɛn enyɔci ci yí nyi “Nu Kae Nye “Ŋkeke Mamlɛawo” Alo “Nuwuɣi” La Ƒe Dzesi? keŋ akpɔ lé Bibla dasɛ do mɔ, ahwa ciwo nyɔ Yesu nu daɖɛ yí jɔjɔ le egbɛ mɛ.

• Enyɔdasɛ wema ci yí le Bibla mɛ, sɔ ahwa sɔ koɖo esɔkutɔ ɖeka ci yí le nyinɔnɔ le “esɔ jin” ɖeka ci yí “à ɖe fafa so nyigban ji.” (Enyɔdasɛ 6:4) Hlɛn enyɔci ci yí nyi “Sɔdola Eneawo Ame Kawoe Wonye?” yí akpɔ lé ahwa ciwo jɔkɔ le egbɛ mɛ sɔ koɖo enyɔnuɖɛ cɛ do.

• Daniɛli wema nu daɖɛ mɔ, “tagbe fyɔ” koɖo “fɔde fyɔ” ale ehwlɛn wakɔ. (Daniɛli 11:25-45, NWT) Kpɔ video ci yí nyi Enyɔnuɖɛ ci yí va mɛ—Daniɛli eta 11, keŋ akpɔ enu ci yí taɖo woatɛnŋ anu mɔ Russie koɖo eju ciwo yí le ŋgbe ni yí nyi tagbe fyɔ lɔ.a

• Enyɔdasɛ wema lɔ gbexo nuxu so “Mawu ŋsɛnwo keŋkeŋtɔ zan gangantɔ lɔ hwa wagbe” nu. (Enyɔdasɛ 16:14, 16) Ele ahan gan, denyi ahwa ci jukɔnwo wakɔ le wowonɔnɔwo mɛ gbɛ shigbe ci yí jɔkɔ yɛ nɛ han yí anyi o. Hlɛn enyɔci ci yí nyi “Nu Kae Nye Armagedon-ʋa La?” keŋ ajeshi enu sugbɔ so ahwa cɛ ci yí avajɔ nu.

Nyi yí taɖo àkando ji mɔ esɔ mɛ avanyɔɔ?

• Bibla nu mɔ Mawu “a ɖote ahwawo le afi ɖekpokpwi le nyigban ji.” (Ehajiji Wema 46:9) Hlɛn enyɔci ci yí nyi “Une espérance réelle pour des jours meilleurs” yí anya enu sugbɔ so egbe ciwo Mawu ɖo yí woavajɔ le esɔ mɛ nu.

• Yesu kpla yi dokplɔtɔwo mɔ, wo le do gbe ɖaɖa mɔ Mawu Fyɔɖuxu lɔ le va. (Matie 6:9, 10) Fyɔɖuxu cɛ nyi jeŋkwi mɛ cɛkpakpa ci yí awɛ yí edro Mawu tɔ anyi wawa le nyigban ji. Awɛ yí fafa anɔ nyigban lɔ pleŋ ji. Nɔ àkpɔ lé Fyɔɖuxu lɔ ahɛn nyɔnawo vɛ nɔ eo doɔ, kpɔ video ci yí nyi Nyi yí Mawu Fyɔɖuxu nyiɔ?

Yehowa Kunuɖetɔ ciwo yí le Ukraine wu 129 000. Woɖyiɖyiɛ Yesu yí gbe mɔ yewodado nu politiki koɖo ahwa nyɔwo mɛ o, shigbe lé Yehowa Kunuɖetɔ ciwo yí le eju kpɛtɛwo mɛ wɛni nɛ. (Ʒan 18:36) Yehowa Kunuɖetɔwo kpɔtɔ drakɔ “Mawu fyɔju ŋɛnywi lɔ” le xexeɛ pleŋ mɛ. Wonunuɔ mɔ, Fyɔɖuxu lɔ ɖekɛ kpaŋ yí avakpɔ agbetɔwo cukaɖawo pleŋ gbɔ yí agu ahwawawa. (Matie 24:14) Mìɖe kuku, te gogo mì keŋ akpla enu sugbɔ so Bibla mɛ mɔkpɔkpɔ lɔ nu.