Nyi Taɖo Politiki Makɔ Amɛwo mɛ Ahan ɔ?—Lé Bibla Nu so Nuɔ?

Le xexeɛ pleŋ mɛɔ, eju sugbɔ yí ma le ejunyɔnunu alo politiki mɛ. Edɔwaxu ci yi nyi Pew Research Center, ji dui nɔ nɔnɔmɛ lɔ kpɔ le exwe 2022 le eju 19 mɛ yí kpɔɛ mɔ, “mɛganxoxu 65 le kavehowi mɛ nu mɔ evu gangan le gblamɛ nɔ mɛ ciwo yí le godu nɔ politiki parti vovovowo le yewo ju mɛ.”

Mído jeshi mɔ politiki vamakɔ amowo mɛ doji le míwo gbɔa? Nyi taɖo enyi ahan ɔ? Ŋɖe li woawa asɔ kpɔ gbɔa? Míkpɔ enyɔ ci Bibla nu ɖa.

Adɛn ciwo yí klannɔ amowo

Bibla nui ɖɛ mɔ le mìwo hwenu ci eyɔ mɔ “ŋkeke vɔvɔwo” mɛɔ, amɛ sugbɔ avaɖo adɛn ciwo yí ana ejunɔnɔ agbɔnnu.

• Le ega hunnɔwo mɛɔ, amɛwo alɔn wowoŋtɔwo ɖekɛ, . . . Amɛwo ave xomɛ do enunywiwo nu.’—2 Timɔte 3:1-3.

Ci amɛ sugbɔ dokɔ gbla veviɖe nɔ enuwo amlɛ nɔ acɛkpakpawo nywiɖe can ɔ, wodekpɔkpɔ ta ni o. Mɛ ciwo yí dedodoɔ egbe ɖeka koɖo acɛkpakpawo kpɔɛ mɔ yɛagbɔnnu alo danya wawa ŋtɔkpu can mɔ yewoanɔ ju awa dɔ keŋ akpɔ cukaɖa lɔwo gbɔ o. Enyɔ cɛwo ɖo kpe enyɔ ci Bibla nu so gbeɖegbe ji.

Ele ahan gan, Bibla nu enu ci yí adra nɔnɔmɛ lɔ do—Ega ɖeka ci yí le ŋkɔ nɔ acɛkpakpa ɖeka, akpe ji aɖe cukaɖa ciwo yí dodoɔ ŋmavwi nɔ agbetɔwo gbɛ swi.

Ega ɖeka ci amɛ nu wanɔ ɖeka nɔ

Bibla xo nuxu so ega ɖeka ci yí je nu: Yesu Kristo ɖo ŋsɛn, acɛ koɖo edro yí ana agbetɔwo pleŋ anɔ ju le fafa mɛ.

Yesu nyi ega nywi ɖeka, ɖo ésɔnɔ eɖe le ji nɔ amɛ, yí gbejinɔ mɔ yeakpedo amowo nu, vevitɔ mɛ ciwo nu wowa enumajɔmajɔ do.

• Mìwo Fyɔ kpenɔdo wamɛnɔwo koɖo amɛ klekliwo nu. Wamɛnɔwo koɖo amɛ klekliwo godo nu. Efyɔ lɔ lé wo do agbe. Efyɔ lɔ hwlɛn wo gan le amɛ kpotu ciwo yí tekpɔ yí a do vevisese lanmɛ nɔ wo shi. Wamɛnɔ lɔwo gbewo nyi enu vevi nɔ Efyɔ.”—Ehajiji Wema 72:12-14.

Kpla nu sugbɔ so Mawu Fyɔɖuxu ci yí le jeŋkwi mɛ, ci Yesu le ŋkɔ nɔ nu. Kpɔ lé àwɛ akpɔ nyɔna so mɛ, yí anɔ godu nɔ acɛkpakpa lɔ.