Албаданчак болоры

Библиялык принцип: «Улус ӱредерин токтотпой... Сӱӱнчилӱ Јар айдып јӱрдилер» (Ап. ижи 5:42).

Павел нени эткен?

Апостол Павел сӱӱнчилӱ јарды Тиранн деп школдо куучындайт.

ВИДЕО: «Павел Эфесте јарлайт»

1. ВИДЕО кӧрӱгер эмезе Апостолдордыҥ ижи 19:8—10 кычырыгар. Оноҥ бу сурактарды шӱӱп сананыгар:

а) Павелдиҥ сӱӱнчилӱ јарды эрчимдӱ јарлаганы недеҥ кӧрӱнет?
б) Павел канайып јарлаган ла мыны канча кире ӧйдиҥ туркунына эткен?

Павелдеҥ неге ӱренедис?

2. Кижи чындыкты билерге кӱӱнзей берзин деп ле оныла ӱредӱ баштаарга, ӧйди ле ийде-кӱчти берерге белен болор керек.

Павелдеҥ тем алыгар

3. Кижиге эптӱ ӧйдӧ келигер. Сананып кӧрӱгер: «Бу кижиле меге кандый ӧйдӧ лӧ кайда јолугып ийзем, эптӱ болгой не?» Куучындажып алган ӧйӧӧрдӧ јолугарга слерге келишпей турган да болзо, ӧйӧӧрди келиштирип ийигер.

4. База катап јолугарга куучындажып алыгар. Кажы ла куучынныҥ учында такып келерге куучындажып алыгар. Такып келереер эмезе телефон согуп ийереер деп айдып салган болзоор, сӧзӧӧргӧ турыгар.

5. Ижемјини јылыйтпагар. Кижи чек божобой эмезе айылда да болбой турза, ого Агару Бичик керек јок деп сананбагар (1 Кор. 13:4, 7). Је анайда ок ӧйди калас ӧткӱрбес керек деп ундыбай туругар (1 Кор. 9:26).

БАЗА КӦРӰГЕР

Ап. ижи 10:42; 1 Кор. 9:22, 23; 2 Кор. 4:1; Гал. 6:9