Јарлаар иштиҥ темигӱзин тыҥыдадыс. Ӧскӧ тилле куучындап турган улуска сӱӱнчилӱ јарды канайып куучындаар

Бу нениҥ учун керектӱ. Иегова «кандый ла калыктаҥ» улус ич-кӧгӱс јанынаҥ амыр-энчӱ јатсын деп, кӱӱнзеп јат (Апос. иж 10:34, 35). Оныҥ учун Иисус, сӱӱнчилӱ јар «јер-ӱстине» ле «ончо калыктарга» јарлалар деп, айткан (Матф. 24:14). Захария, «башка-башка тилдерле куучындап турган ончо калыктардаҥ» улус сӱӱнчилӱ јарды алынар деп, озолодо айткан (Зах. 8:23). Элчи Иоанныҥ кӧрӱлтезиле болзо, улу тӱбекти «ончо уктардаҥ, ӱйелердеҥ, калыктардаҥ ла тилдердеҥ» улус ӧдӱп чыгар (Ачылт. 7:9, 13, 14). Мынаҥ улам ӧскӧ тилге куучындап турган кижиге туштазас, биске ого сӱӱнчилӱ јар керегинде куучындаарга албаданар керек.