Јарлаар иштиҥ темигӱлерин тыҥыдадыс. Јаткан јеристе кажы ла кижиге јарлаарга албаданадыс

МЫНЫ НЕНИҤ УЧУН ЭДЕР КЕРЕК. Захарияныҥ судурында айдылган «башка-башка тилдерлӱ калыктардаҥ келген» улус Каандык керегинде јарды угуп, алынар (Зх 8:23). Је бу јарды олорго кем айдар? (Рм 10:13—15). Бу јаан учурлу јарды јаткан јеристе кажы ла кижиге јетиретен јакылта бистерге берилген (od-U 83—84 б., 10, 11 абз.).

МЫНЫ КАНАЙЫП ЭДЕР:

• Белетенип ал. Сен ӧскӧ тилдӱ улуска туштайдыҥ ба? Бу тилге кӱч эмес куучын баштаар арга ӱренип ал. Эмезе мобильный эдимниҥ болужыла кижиге бойыныҥ тилине кӧптӧдӧ јетирӱ таап аларга, кӧргӱзип бер.

• Ајарыҥкай бол. Айылдар сайын јарлаган тужыҥда, јолой туштаган улуска база јарлап тур. Анайда ок ары-бери ӧткӧн улусты ла машинада отурган улусты база ундыба. Кӧп улусту јерлерде јарлап турган болзоҥ, амадууҥды — кере берерин — ундыбай тур.

• Участокты јазап ӧдӱп тур. Кижи јок болгон айылга такып бар. Кажы ла тураныҥ ээзиле куучындажарга албадан (јаҥы айалгада келижип турган болзо). Оныҥ учун ӧскӧ ӧйдӧ эмезе ӧскӧ кӱнде келерге келижер болор. Айылда улус јок болзо, самара бичиирге, телефон согоорго эмезе ол улусла тышкары куучындажарга јараар.

• Јилбиркеген кижиге такып бар. Јилбиркеген улуска такып барарын удатпа. Кижи ӧскӧ тилле куучындажып турган болзо, ол тилди билетен јарчыга баштан. Андый јарчы табылбаганча, кижини артыргыспас керек. (od–U 94 б., 39, 40 абз.).

«„ЈЕРДИҤ ЈАКАЗЫНДА“ ЈАРЛААР ИШ» ДЕГЕН КӦРӰЛМЕНИ КӦРӰП, ТӦМӦНГИ СУРАКТАРГА КАРУУ БЕР:

• 

  Ака-эјелер јууннаҥ ыраак јерлерде јарлаарга, канайып белетенген? (1Кр 9:22, 23).

• 

  Олор кандый кӱчтер ӧткӧн?

• 

  Олор кандый алкыштар алган?

• Јаткан јериҥде оноҥ кӧп улуска јарлаарга, нени эдер эдиҥ?