ХРИСТИАН ЈӰРӰМ

Кӧп тилдерлӱ јерлерде јуундардыҥ кожо иштенери

Ӧбӧӧни ле ӱйи јарлаар иште ӧскӧ тилге куучындажып турган эр кижиге ле оныҥ уулына јолукты

Улус Каандык керегинде сӱӱнчилӱ јарды тӧрӧл тилине јакшы угат. Мынаҥ да улам Иегова б. э. 33 јылында, Беженинчи кӱнде «ак-јарыктыҥ тӧрт талазынаҥ келген кудайзак иудейлерде» ле ӧскӧ дӧ албатыларда јакшылыкту јарды бойыныҥ тӧрӧл тилине угатан арга болзын деп эткен болор. Је бой-бойлоры ортодо олор, байла, бир тилле куучындашкан болор — еврей эмезе грек (Ап.и 2:5, 8). Бистиҥ ӧйдӧ кӧп нацияларлу јерлерде башка-башка тилдерлӱ јуундардагы ака-эјелер кӧп учуралдарда бир ле јерде јарлап јадылар. Бу јуундардыҥ јарчылары, анда јадып турган ончо улуска јарлаарга ла бу ла ок ӧйдӧ олорды ачындырбаска канайып эптӱ-јӧптӱ јарлайдылар?

Јӧптӧжип тур (Ук 15:22). Јарлаар иштиҥ кӧрӧӧчилерине кӧп тилдерлӱ јерлерде једимдӱ јарлаарга, кожо эптӱ эп-арга табар керек. Темдектезе, ӧскӧ тилдӱ јуундардыҥ јарлаар јерлери кичинек болзо, ол тилге куучындап турган улустыҥ айылындӧӧн слерди кирбезин деп сураар аргалу. Је ӧскӧ тилдӱ јуундар бойлорыныҥ јаан јерлерин ӧйинде ӧдӱп болбой турган болзо, олор слерди бастыра тураларда јарлайла, јилбиркей берген улустарды айдып берзин деердеҥ айабас (od-U 93 б., 37). Эмезе олор слердиҥ јуунды олордыҥ тилине куучындап турган улусты бедреп, табылган адрестерин бердирип турзын деп сурагылаар (km-U 7/12 5, рамка). Кезикте бир ле турада эмезе квартирада башка-башка тилдӱ улус јадар аргалу деп ајаруга алып турар керек. Талдап алган эп-арга персональный данныйларды корулап турган јасак аайынча болор учурлу.
Кожо иште (Еф 4:16). Јарлаар иштиҥ кӧрӧӧчизиниҥ айтканыла эт. Сенле кожо Агару Бичик ӱренип турган кижиге слердиҥ јууныгардыҥ тили тӧрӧл эмес болзо, бу ӱредӱни оныҥ тилине ӧдӱп турган јуунга эмезе бӧлӱкке берип ий. Анайып ол кӧгӱс јанынаҥ тӱрген ӧзӧр.
Белетен (Ук 15:28; 16:1). Айылдар сайын јарлап јӱреле, ӧскӧ тилге куучындап турган кижи туштаза, Каандык керегинде јарды айдып берерге бастыра арганы тузалан. Мыны эдерге, белетенип турган тушта, слердиҥ јерде улус кандый тилдерге куучындажып турганын сананып, бу тилдерге Агару Бичик ле кӧрӱлмелер чыгарып ал. Анайда ла ок сенде JW Language® деген приложениениҥ болужыла бу тилдерге эзендежип ӱренип алатан арга бар.