Буклеттиҥ болужыла канайып куучын баштаар

2018 јылдыҥ чаган айынаҥ ала «Јӱрӱмис ле ижибис» деп иштиҥ тетрадыныҥ баштапкы бӱгинде куучындардыҥ планы берилет. Кандый амадулу? Бисти јӱк ле бичиктер берзин деп эмес, је улусла куучындажарына кӱӱнзедерге. Јарчыларга бу эп-арганы тузаланып ӱренерге, видеолор чыгарылат. Ол видеолордо јӱк ле Агару Бичиктиҥ болужыла канайып куучын баштаары кӧргӱзилет. Айдарда бу, айылдар сайын јарлазаас, бичиктер чек таркатпас керек деп кӧргӱзет пе? Темдектезе, электронный бӱдӱмдӱ бичиктерди. Јок эмей! Куучынды баштаарга, темдектезе, кандый бир буклет сӱреен јараар. Кандый да буклет талдап алзаҥ, тӧмӧнги схеманы тузаланарга јараар:

1. Буклеттиҥ баштапкы бӱгиндеги суракты берип, каруузыныҥ варианттарын айдып ий.

2. Экинчи бӱктиҥ бажындагы ӱлгерди кычырып, библиялык карууны кӧргӱзип бер. Ӧй бар болзо, 2-чи ле 3-чи бӱктердеги јетирӱниҥ кезигин кычырып, оны шӱӱжип ий.

3. Јӱрер алдында кижиниҥ ајарузын калганчы бӱктеги суракка эдип («Сананып кӧр» деген бӧлӱк), келер тушта Агару Бичиктиҥ каруузын шӱӱжип ийерге куучындажып ал.

Такып келген ӧйдӧ библиялык карууны шӱӱжип, келер тушта кандый сурак шӱӱжерге јараарын куучындажып ал. Јакшы сурактарды бистиҥ сайттаҥ эмезе буклеттиҥ калганчы бӱгиндеги берилген бичиктеҥ таап аларга јараар. Эптӱ ӧйдӧ «Кудайдыҥ сӱӱнчилӱ јары!» деген брошюраны эмезе јарлаар иштиҥ јепселдеринеҥ ӱредӱ ӧткӱретен ӧскӧ бичикти тузалан.