Јарлаар иште бӱгӱнги солундарды тузалан

Иисус јарлап јӱреле улустыҥ ајарузын бӱгӱнги ле солундарга эткен. Анайып ол улусты јаан учурлу та неге де ӱредип саларга амадаган (Лк 13:1—5). Сен де анайып ла бӱгӱнги солундарды тузаланып, улусты Каандык керегинде јарла јилбиркедериҥ. Темдектезе, баалар бийиктеп турганын, ар-бӱткенниҥ тӱбегин, албатыныҥ тӱймеп турганын, наркоманияны эмезе оноҥ до ӧскӧ кӱчтерди айдып кӧр. Оноҥ кижиге сананатан сурак бер. Мынайып сураарга јараар: «Слер канайып сананып тураар, качан бирде... токтоор бо?» эмезе «Мыныҥ аайына канайып чыгар?» Мыныҥ кийнинде темала колбулу белетеп алган ӱлгерди кычырып ий. Кижи јилбиркей берзе, видео кӧргӱзип ий эмезе јарлаар иштиҥ јепселдеринеҥ бичик берерге јараар. Бистиҥ јерде јадып турган улустыҥ јӱрегин томултары ол бистиҥ амаду. Оныҥ учун «Сӱӱнчилӱ Јарга болуп», бастыра ийде-кӱчисле албаданактар! (1Кр 9:22, 23).

Слердиҥ јердеги улуска кандый темалар јилбилӱ болордоҥ айабас?