Zaburi
Wer pa Daudi.
101 Abiwero pi mer ma lokere ngo man pi pokolembe m’atira.
Abiwero wer mi pak* iri, E Yehova.
2 Abitimo ku rieko man ma kosa mbe i wiya.*
Ibibino i bang’a awene?
Abiwotho kud adundena m’atira i ot para.
3 Abiketho ngo gin moko ma konyne mbe i wang’a.
Adagu timo mi ju ma gikier kud i kum gin m’atira;
Abidikara ngo kugi nyanok de.*
4 Adunde ma rac ni bor kuda;
Abiyiyo ngo* gin ma rac.
5 Abimiyo dhu* ng’atu moko ci
M’ubeyero nying’ jadhugula pare i amung’.
Abiciro ngo ng’atu moko ci
M’utie ku wang’ mi kuhaya man adunde mi ting’iri.
6 Abineno ba dhanu m’atira mi ng’om
Kara gibed karacelo kuda.
Ng’atu m’ubewotho m’umbe kosa bitimo ira.
7 Ng’atu moko ci ma jandra bibedo ngo i ot para,
Man ng’atu moko ci ma javupo bicungo ngo i wang’a.
8 Kubang’ kugweno, abimiyo dhu* judubo ceke mi ng’om,
Pi nikabu jutimrac ceke kud i adhura pa Yehova.