Zaburi

Wer mi idho. Pa Daudi.

124 “Ka nwang’u Yehova ubino ngo karacelo kudwa,”

Dong’ kawoni Israel uwac kumae:

2 “Ka nwang’u Yehova ubino ngo karacelo kudwa

Kinde ma dhanu giay i kumwa,

3 E nwang’u gimwonyowa ma kwo

Kinde ma ng’eicwiny migi uopo i kumwa.

4 Nwang’u pii umolowa,

Man kulo uweyowa* cen.

5 Nwang’u pii m’ucorere umwonyowa.*

6 Pak ubed ni Yehova pilembe emiyowa ngo igi ni jambayeki.

7 Watie* ve winyo m’uboth

Kud i uwic pa jacik winyo;

Uwic utur,

E waboth.

8 Both* mwa n’i nying’ Yehova,

Ma tie Ng’atu m’ucwiyo polo ku ng’om.”