Zaburi
Ni jatel wi wer. Wer pa wot Kora.
47 Wu dhanu ceke wupad cingwu.
Wukok kok mir aloci man mi mutoro ni Mungu.
2 Kum Yehova ma en e Ng’atu ma Malu ngbir ng’oyo ndiri;
Etie Ubimo ma dit iwi ng’om zoo.
3 Eketho dhanu i the loc mwa,
Eketho thek i the tiendwa.
4 Eng’iyo iwa giralaga mwa,
Ma en e jamluliri pa Yakobo m’emaru. (Sela)
5 Mungu uidho kud i kind kok mir anyong’a;
Yehova uidho kud i kind dwand agwara.*
6 Wuwer wer mi pak* ni Mungu, wuwer wer mi pak.
Wuwer wer mi pak ni Ubimo mwa, wuwer wer mi pak.
7 Kum Mungu en e Ubimo mi ng’om zoo;
Wuwer wer mi pak man wubed riek.
8 Mungu udoko Ubimo iwi thek.
Mungu ujany iwi komker pare ma leng’.
9 Jutelwic mi dhanu gicokiri karacelo
Ku dhanu pa Mungu p’Abraham.
Kum jubim* m’i ng’om gi pa Mungu.
Edodre malu lir.