Zaburi
Ni jatel wi wer; juwere ku jamgoyo wer ma juthondhe. Wer.
67 Mungu binyutho iwa bero man ebimiyo iwa mugisa;
Ebiketho wang’e birieny i wiwa (Sela)
2 Kara jung’ey yo peri i wang’ ng’om zoo,
Man tic mi both peri i kind thek ceke.
3 Dong’ dhanu gipeki, E Mungu;
Dong’ dhanu ceke gipeki.
4 Wek mutoro uneg thek man gikok kud anyong’a,
Kum ibipoko lembe mi dhanu atira.
Ibitelo wi thek mi ng’om. (Sela)
5 Dong’ dhanu gipeki, E Mungu;
Dong’ dhanu ceke gipeki.
6 Ng’om bicego nyinge;
Mungu, ma en e Mungu mwa, bimiyo iwa mugisa.
7 Mungu bimiyo iwa mugisa,
Man tung’ ng’om ceke bilwore.*