Zaburi
Ni jatel wi wer. Pa Daudi, kara ubed ni poyowic.
70 E Mungu, bodha;
E Yehova, bin pio pio pi nikonya.
2 Wek dhanu ma gisayu nikabu kwo* para
Lewic unyay i wigi man gidok pang’ pang’.
Wek ju m’anyong’a negogi i masendi para
Gilok ku ng’eygi ku lewic.
3 Dong’ dhanu ma gibeyero kumae: “Aha! Aha!”
Gilok ku ng’eygi ku lewic.
4 Ento wek ju ma gibeyenyo kakeri,
Mutoro kud anyong’a uneggi i kumi.
Wek saa ceke ju ma gimaru tic mi both peri giyer kumae:
“Dong’ Mungu unwang’ yung!”
5 Ento an, jakonyna mbe man a jacan;
E Mungu, tim pio pio pira.
Itie jakonyna man jalarna;
E Yehova, kud igal.