Zaburi
Ni jatel wi wer; iwi Yeduthun.* Wer p’Asaf.
77 Abiwak ku dwanda i bang’ Mungu;
Abiwak ku dwanda i bang’ Mungu, man ebiwinja.
2 I nindo mi can para, ayenyo ka Yehova.
Athang’u cinga i bang’e diewor m’umbe niweko.*
Acopo* jukara de ngo.
3 Kan apoy pi Mungu, acur;
Cwinya ng’abere man tego para thum.* (Sela)
4 Ibeweka ngo anindi;
Can umaka man acopo weco ngo.
5 Wiya paru lembe m’ukadhu i nindo ma con,
I oro m’ukadhu con.
7 Nyo Yehova biwekowa pi nja?
Nyo ebinyutho ngo iwa kendo bero pare?
8 Nyo mer pare ma lokere ngo ujik mi magwei?
Nyo lembang’ola pare bitimere ngo i kind dhanu m’utuk ceke?
9 Nyo wi Mungu uwil ku nyutho bero,
Kunoke nyo ng’eicwiny pare uketho kisa pare ujiki? (Sela)
10 Nyo ukwayu amedara niyero kumae: “Gin m’ubetima rac* mandha ni e:
Ng’atu ma Malu ngbir uloko paru pare* i kumwa”?
11 Abipoy i kum tic pa Yah;
Abipoy i kum tic peri ma wang’u ijo m’itimo con.
12 Abinyamu i lembe iwi tic peri ceke
Man abiparu cuu pi lembe m’itimo.
13 E Mungu, yo peri gi leng’.
Mungu mange ma kani ma tie dwong’ calu in, E Mungu?
14 Itie Mungu mandha m’ubetimo lembe ma wang’u ijo.
Inyutho tego peri ni dhanu.
16 Pii gineni, E Mungu;
Pii gineni man kumgi umiel.
Man nam ma thuc giyengiri.
17 Afuru uthwogo pii.
Afuru m’ulotini i kor polo umor,
Man nying athero peri gikadhu kun ku kun.
18 Dwand morpolo peri ubino calu ukobre mi magali;
Lukoth m’umil ucaru ng’om zoo;*
Ng’om umiel man eyengere.
19 Ikaku iri yo i die nam,
Yo i die pii dupa;
Ento ng’atu moko mbe m’unwang’u ba tiendi.
20 Itelo wi dhanu peri ve udul rombe,
Nikadhu kud i cing’ Musa man Arun.