Zaburi
Ni jatel wi wer; ma juciko iwi “Thiwe.” Pi poyowic. Wer p’Asaf.
80 E Jakwac mir Israel, winji,
In m’itelo wi Yozefu calu udul lim.
2 I wang’ Efraim, Benjamin man Manase,
Cew tego peri;
Bin man ibodhwa.
3 E Mungu, dwokwa kakawa;
Wek weng’i urieny i wiwa kara wabothi.
4 Yehova Mungu mir udul, kwinyo biopo i ii* i kum rwo mi dhanu peri nitundo awene?
5 Iyeng’ogi ku piwang’ calu ku mukathi,
Man iketho gimadhu piwang’ nikadhu mukero.
6 Iweko judhugola mwa gibeloko dhoggi i kindgi piwa;
Judegi mwa gibecayuwa calu ma igi umaru.
7 E Mungu mir udul, dwokwa kakawa;
Wek weng’i urieny i wiwa kara wabothi.
8 Iketho ulok uai kud i Misiri.
Iriemo thek cen man ipidho ulokne.
9 Iyiko kaka ire,
E eguro ulage man epong’o ng’om.
10 Tipone uumo wi gudi,
Man jange uumo wi yend tido pa Mungu.
11 Jange ma dongo ujany nitundo i nam,
Man jange ma thindho, nitundo i Kulo.*
12 Pirang’o irwombo gang’kidi m’i ng’et podho ulokne,
Uketho dhanu ceke ma gibekadhu kud i ng’ete gibepono nyinge?
13 Kul mi lum gibenyothe,
Man lei mi lum gibecame.
14 Akweyi, E Mungu mir udul, loki.
Kul weng’i niai kud i polo man nen!
16 Juwang’e ku mac, jutong’e.
Nikum juk* peri dhanu ginyothiri.
17 Dong’ cingi umii tego ni ng’atu m’ubedo i cingi ma yor acwic,
Ni wod dhanu m’idwoko tek piri giri.
18 E wabilokara ngo cen kud i beng’i.
Gwokwa wabed kwo, kara walwong’ nyingi.
19 E Yehova Mungu mir udul, dwokwa kakawa;
Wek weng’i urieny i wiwa kara wabothi.