Zaburi
Wer pa wot Kora.
87 Kathere mir adhura pare n’i gudi ma leng’.
2 Yehova umaru dhugang’ mi Sayuni
Nisagu hema pa Yakobo ceke.
3 Jubeyero lembe mi yung piri, E adhura pa Mungu mandha. (Sela)
4 Abikwanu Rahab man Babeli i kind ju ma ging’eya;
Filistia man Turo karacelo ku Kuc gini keni.
Jubiwacu kumae: “Ng’atu maeni unyolere keca.”
5 Man pi Sayuni jubiwacu kumae:
“Gin ceke, ng’atuman unyolere i iye.”
Man Ng’atu ma Malu ngbir biketho ebicungo nging’ nging’.
6 Kinde ma Yehova ubegoro nying’ dhanu, ebiwacu kumae:
“Ng’atu maeni unyolere keca.” (Sela)
7 Juruwer man ju ma mielo miel ma judhokiri ko adhoka gibiyero kumae:
“Kulo para ceke n’i ii.”*