Zaburi
BUKU MIR ANG’WEN
(Zaburi 90-106)
Rwo pa Musa ma dhanu pa Mungu mandha.
90 E Yehova, itie kabedo mwa* i kind dhanu m’utuk ceke.
2 Ma fodi gudi nyoliri ngo
Kadi ma fodi inyolo* ng’om ku ng’om ma cego piny ungo,
Niai rondo ku rondo nitundo rondo ku rondo,* in i Mungu.
3 Iketho dhanu ma tho dok i utur;
Iwacu kumae: “Wudoki, wu wot dhanu.”
4 Kum i weng’i oro elufu acel (1 000) utie tap calu nyaworo kinde m’ekadhu,
Tap calu kur mi diewor.
5 Iweyo dhanu cen; gidoko calu nindo ma nindo;
Kugweno gi calu lum m’ubetwii.
6 Kugweno ethiwo man edoko nyen,
Ento reto ener man ethwo.
7 Kum wathum nikum ng’eicwiny peri
Man kwinyo peri unyayu lworo i iwa.
8 Iketho kosa mwa i weng’i;*
Lembe ma wabetimo i amung’ ubenen kamaleng’ nikum der m’i weng’i.
10 Wend rundi mwa tie oro pier abiro,
Kunoke pier abora tekene ng’atini tie tek mandha.*
Ento gipong’ ku peko man can;
Gikadhu pio mandha man wacidho.
11 Ng’a ma copo nyang’ i tego mi ng’eicwiny peri?
Kwinyo peri tie dwong’ tap calu lworo m’ukwayu julwori ko.
12 Ponjwa ku kite ma wakwan ko nindo mwa
Kara wanwang’ adunde mi rieko.
13 Lokiri, E Yehova! Lembuni bigalu rukani?
Timba kisa umeki i kum jutic peri.
14 Yeng’wa ku mer peri ma lokere ngo kugweno,
Kara wakok kud anyong’a man mutoro i nindo mwa ceke.
15 Keth anyong’a unegwa rom ku nindo m’inyayu can i kumwa i iye,
Rom ku oro ma dupa ma wasendara i iye.
16 Dong’ jutic peri ginen tic peri,
Man wotgi ginen leng’o peri.
17 Dong’ Yehova Mungu mwa unyuth iwa bero;
Keth tic mi cingwa ubed miero.*
Eyo, keth tic mi cingwa ubed miero.