Lembrieko
30 Lembe ma pek m’i kind wec p’Agur ma wod Yake m’eyero ni Ithiel man ni Ukal.
2 A ming’ nisagu ng’atu moko ci,
Man akoso nyang’ i lembe ma ng’atu ma nico ucikere nibedo ko.
3 Aponjo ngo nibedo ku rieko,
Man ambe ku ng’eyong’ec pa Ng’atu ma leng’ m’usagu.
4 Ng’a m’uidho i polo man i ng’eye edok eloro pinyi?
Ng’a m’ucoko yamu i cinge?
Ng’a m’uboyo pii i bongu pare?
Ng’a m’uketho* ajiki mi gund ng’om ceke?
Nyinge tie ng’a man nying’ wode tie ng’a, tek ing’eyo?
5 Lembe pa Mungu ceke tie tetete.
Mungu tie ban ni dhanu ceke ma gibepondo i bang’e.
6 Kud imed gin moko i kum lembe pare,
Kan ungo ebijuki,
Man ebinen kamaleng’ nia i javupo.
7 Akwayu lembe ario i beng’i.
Kud icergi ira i wang’ tho para.
8 Kab lemandha ngo man ndra bor kud i bang’a.
Kud imii ira can kadi lonyo.
Wek acam ndhu cam m’umiyere ira,
9 Kara kud ayeng’ man akweri, awac kumae: “Yehova tie ng’a?”
Kadi kud iwek adok jacan, akwal piny man acid nying’ Mungu para.
10 Kud iyer nying’ jatic ni jadit pare,
Kan ungo ebilemi man jubinwang’u nia itie ku kosa.
11 Dhanu m’utuk moko nuti ma lamu weggi,
Man ma miyo ngo mugisa ni meggi.
12 Dhanu m’utuk moko nuti ma gi leng’ i wang’gi gigi,
Ento julwoko ngo cilo migi* kud i kumgi.
13 Dhanu m’utuk moko nuti ma kuhaya lee i wang’gi,
Man ma wang’gi neno piny ku ting’iri!
14 Dhanu m’utuk moko nuti ma lakgi tie palamularu
Man ding’gi utie pala ma negojo;
Gimvoro ju ma ka kitgi mbe mi ng’om
Man jucan kud i kind dhanu.
15 Kamandindi utie kud anyira ario ma gikok kumae: “Mii! Mii!”
Piny moko adek unuti ma giyeng’ ungo,
Ang’wen ma giyero ngo nia, “Eromo!”
18 Piny moko adek unuti ma giwang’u iya lii,
Ang’wen m’anyang’ i igi ngo:
19 Yo p’acur i kor polo
Yo pa thwol iwi cana,
Yo pa meli i die nam,
Man yo pa nico ku nyaku.
20 Kura pa dhaku ma won abor* tie kumae:
Ecamu, eweyo dhoge;
I ng’eye ewacu kumae: “Atimo ngo gin moko ma rac.”
21 Lembe adek unuti ma ketho ng’om yengere
Ang’wen m’ecopo ciro ngo:
22 Kinde ma ng’eca udoko ubimo,
Kinde ma jakasegu upong’ ku cam,
23 Kinde ma junyomo dhaku ma judagu,*
Man kinde ma jatic ma nyaku umayu kabedo pa* min pacu pagi.
24 Piny moko ang’wen unuti iwi ng’om ma gin’i kind piny ma thindho akeca,
Ento gi riek apila:
25 Ukok gitie ngo giracwiya ma tek,*
Ento gicoko cam migi i saa pa oro.
26 Uduka gitie giracwiya ma tego migi mbe,*
Ento giyiko ot migi i lak cana.
27 Bonyo jabim migi mbe,
Ento gin ceke gicidho ma gikperiri akpera.*
28 Leuleu* ng’wenyo piny ku tiende,
Ento emondo i kal p’ubimo.
29 Piny moko adek unuti ma dagutielo migi wang’u ijo,
Ang’wen ma giwang’u ijo kinde ma gibewotho:
30 Umvor ma tek nisagu zoo i kind yedi,
Ma loko ngo ku ng’eye i wang’ ng’atu moko ci;
31 Gwok dwar, nyog diel;
Man ubimo m’utie karacelo kud udul askari pare.
33 Kum calu yengo cak ketho emakere ma nwang’,
Man nyobo um wodho rimo,
Kumeno bende ting’o lak kwinyo kelo dhaw.