KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • Lembrieko 31
  • Biblia—Lok mi ng’om ma nyen

Thenge maeni umbe ku video.

Tim kisa, kosa moko uwok rek.

Lembe ma dongo m’i buku mi Lembrieko

      • WEC P’UBIMO LEMUEL (1-31)

        • “Ng’a ma copo nwang’u dhaku m’uromo?” (10)

        • Etimo tic ma tek (17)

        • “Bero n’i wi lebe” (26)

        • Awiya pare man cware gipake (28)

        • Leng’wang’ man leng’o kakagi kadhu (30)

Lembrieko 31:6

Korolembe mi there

  • *

    Kunoke “ju ma ng’eyong’ec migi kec.”

Lembrieko 31:8

Korolembe mi there

  • *

    Kunoke “buba.”

Lembrieko 31:10

Korolembe mi there

  • *

    Kunoke “ma ber nisagu?”

  • *

    Nen Thelembe mi wec.

Lembrieko 31:13

Korolembe mi there

  • *

    Kunoke “bongu mi lin.”

Lembrieko 31:16

Korolembe mi there

  • *

    Kunoke “adwogi mi tic mi muliri pare; faida pare.”

Lembrieko 31:17

Korolembe mi there

  • *

    I dhu Juebrania: “Etwiyo piere ku tego.”

Lembrieko 31:19

Korolembe mi there

  • *

    Jamcwic man yen mi riwo wuzi gibino yen ma jubed jutiyo ko pi niyiko wuzi kunoke pi niriwo wuzi i kumgi.

Lembrieko 31:21

Korolembe mi there

  • *

    I dhu Juebrania: “kendi ario ario.”

Lembrieko 31:24

Korolembe mi there

  • *

    Kunoke “bongu mi lin; bongu ma yor i iye.”

Lembrieko 31:25

Korolembe mi there

  • *

    Kunoke “eng’iero nindo m’ubino ang’iera.”

Lembrieko 31:26

Korolembe mi there

  • *

    Kunoke “Ponji mi mer; Cik mi mer ma lokere ngo.”

Lembrieko 31:27

Korolembe mi there

  • *

    I dhu Juebrania: “mukathi.”

Lembrieko 31:29

Korolembe mi there

  • *

    Kunoke “ma gi ber nisagu.”

Lembrieko 31:30

Korolembe mi there

  • *

    Kunoke “iye nanu.”

Lembrieko 31:31

Korolembe mi there

  • *

    I dhu Juebrania: “Wumii ire nimakere ku nying tic mi cinge.”

Lok m'urombo

Dii wi namba pi nineno verse mange m'urombo kude.
  • Biblia—Lok mi ng’om ma nyen
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
Biblia—Lok mi ng’om ma nyen
Lembrieko 31:1-31

Lembrieko

31 Wec p’Ubimo Lemuel, lembe ma pek ma min uyero ire pi niponje:

 2 Ukwayu ayer iri ang’o, Ee woda,

Ayer iri ang’o, Ee wod m’i iya,

Man ayer iri ang’o, Ee wod mi lembang’ola para?

 3 Kud imii tego peri ni mon,

Kadi kud ilub yo ma nyotho jubim.

 4 Etie ngo ni jubim, Ee Lemuel,

Etie ngo ni jubim nimadhu pigulok

Kadi ni jutelwic niwacu kumae: “Giramadha para ni kani?”

 5 Kara kud gimadhi man wigi wil i kum gin m’ukethere

Man ginyoth twero mi ju ma ka kitgi mbe.

 6 Mii kong’o ni ju ma gibecitho

Man pigulok ni ju ma gin’i can ma kec.*

 7 Wek gimadhi man wigi wil i kum can migi;

Man dong’ kud gipoy ki i kum masendi migi.

 8 Wec pir ajuba;*

Cer bang’ dhanu ceke ma gibecitho.

 9 Weci man pok lembe ku bedopwe;

Cer bang’ twero mi dhanu ma ka kitgi mbe man mi jucan.

א [Alef]

10 Ng’a ma copo nwang’u dhaku m’uromo?*

Valer pare ukadhu valer pa korai* bor dit.

ב [Beth]

11 Cware gene kud adundene ceke,

Ekoso ngo gin moko ma pire tek.

ג [Gimel]

12 Etimo ire lembe ma ber, ento lembe ma rac ungo

I nindo ceke mi kwo pare.

ד [Daleth]

13 Enwang’u yuk rombe man bongu ma nwang’;*

Anyong’a nege nitimo tic ku cinge.

ה [He]

14 E calu meli mi jukuloka,

Eyeyo cam pare niai ku bor.

ו [Waw]

15 Bende eai ma fodi piny uru ngo,

Emiyo cam ni juruot pare

Man makapiny ni jutic pare ma nyir.

ז [Zayin]

16 Eketho wiye i kum podho moko man eng’iewe;

Epidho podho mir ulok kud adwogi mi tic mi cinge.*

ח [Heth]

17 Eyikere gire pi tic ma tek,*

Man edwoko bote tek.

ט [Teth]

18 Eneno nia kuloka pare tie kud adwogi ma ber;

Thala pare tho ngo ku diewor.

י [Yod]

19 Cinge maku jam cwiyo kendi,

Man gimaku yen mi riwo wuzi.*

כ [Kaf]

20 Ethang’u cinge ni ng’atu ma ka kite mbe,

Man eyabu cinge ni jacan.

ל [Lamed]

21 Cwinye pido ngo pi juruot pare i saa pa pei,

Kum juruot pare ceke gikendiri ku kendi ma mor.*

מ [Mem]

22 Eyiko jam umo kavuto pare gire.

Ekendere ku bongu ma nwang’ man mi yuk urombo mi rangi m’uluga.

נ [Nun]

23 Jung’eyo cware cuu i dhugang’ mir adhura,

Kaka m’ebedo i iye i kind judongo mi ng’om pare.

ס [Samek]

24 Eyiko bongu ma nwang’* man elworogi

Man elworo mukaba ni jukuloka.

ע [Ayin]

25 Eronyere ku tego man leng’o,

Man eneno anyim ku tegocwinye.*

פ [Pe]

26 Eyabu dhoge ku rieko;

Cik mi bero* n’i wi lebe.

צ [Tsade]

27 Eneno wi tic mi ot pare,

Man ecamu ngo cam* mi nyap.

ק [Kof]

28 Nyithindho pare giai malu man gilwong’e jamutoro;

Cware ai malu man epake.

ר [Rec]

29 Mon ma giromo* gi dupa,

Ento in ikadhugi ceke.

ש [Cin]

30 Leng’wang’ copo wondo wang’jo, man leng’o de kakare copo kadhu,*

Ento jubipaku dhaku ma lworo Yehova.

ת [Taw]

31 Wumii ire sukulia pi gin m’ebetimo,*

Man wek tic pare upake i dhugang’ mir adhura.

Girasoma mi dhu Alur (1993-2026)
Woki
Mondi
  • Alur
  • Ore ni ng'atini
  • Lembe m'imaru
  • Copyright © 2025 Watch Tower Bible and Tract Society of Pennsylvania
  • Cik mi tio kude
  • Cik mi Gwoko Lembamung'a
  • Paramètres de confidentialité
  • JW.ORG
  • Mondi
Ore ni ng'atini