Zaburi
Wer pa wot Kora. Ni jatel wi wer; juthunge ku bodho mi Mahalath;* juwere ma jubegamu dhoge agama. Maskil* pa Heman ma Jaezrahi.
88 E Yehova Mungu mi both para,
Ku dieceng’ awak i beng’i,
Man ku diewor abino i weng’i.
2 Wek rwo para utund i beng’i,
Cik ithi* iwinj wak para m’abekwayu ko kony.
4 Judaru kwana i kind dhanu m’ubeloro i vur;*
Adoko ni ng’atu ma jakony pare mbe,*
5 Ma juwenjo i kind ju m’utho
Calu ju ma junego ma givuto i liel,
Ma dong’ ipoy ungo pigi
Man m’idieng’ ungo pigi.*
6 Iketha i vur ma lieng’,
Kaka ma col bii, i longoro ma there mbe ma dit.
7 Kwinyo peri ubedo pek i wiya,
Man inura ku mujanga peri m’ubecorere i wiya. (Sela)
8 Iriemo ju ma wang’eyara kugi bor kuda;
Iketho adoko ni gin ma gidagu.
Amoko i uwic man acopo both ungo.
9 Tego mi wang’a uthum nikum can para.
Alwong’i dieceng’ duu, E Yehova;
Athang’u cinga malu i beng’i.
10 Nyo ibitimo thangu ni ju m’utho?
Nyo ju ma gimbe ku tego i tho gibiai malu pi nipeki? (Sela)
11 Nyo jubitwong’o pi mer peri ma lokere ngo i liel
Man pi bedoleng’ peri i kaka mi nyothi?*
12 Nyo jubing’eyo pi thangu peri i mudho
Kunoke pi bedopwe peri i ng’om mi ju ma juwil pigi?
13 Ento abewak asu i beng’i pi nikwayu kony, E Yehova,
Nja kugweno rwo para ubetundo i weng’i.
14 E Yehova, pirang’o ibekuna?*
Pirang’o ibekanu weng’i ira?
15 Niai ma an aradu
Aneno can man ayenyo tho;
Kuma utal nikum lembe ma nyayu ndiri m’iweko asendara ko.
16 Kwinyo peri m’ubogere ubenura;
Ndiri m’inyayu i iya uketho abecitho.
17 Gibetieka tingili calu pii dieceng’ duu;
Gibebino i wiya kun ku kun.*
18 Iriemo jurimba ku juwodha bor kuda;
Mudho re m’udoko ni jarimba.