THENGE MIR 2

Mungu Mandha Utie Ng’a?

Yehova ubeneno wi giracwia pare mi polo ku mi ng’om zoo niai kud i komker pare i polo

Mungu mandha utie acel kende, nyinge tie Yehova. (Zaburi 83:18) Etie ku kum mi tipo, pieno wacopo nineno kume ngo. Emaruwa man emito wan de wamare. Emito bende wamar dhanu mange. (Matayo 22:35-40) En re ma eng’atu ma Malu Ngbir, jacwic mi piny ceke.

I wang’ ni cwiyo piny mange ceke, Mungu ular ucwiyo ng’atu acel ma ing’eye jubin julwong’e Yesu Kristo. Yokung’eye Yehova udok ucwiyo jumalaika.

Yehova re ma ucwiyo piny ci ceke ma ni i polo . . . ku piny ceke mani i ng’om. Lembanyutha 4:11

Yehova Mungu ucwiyo nyikaluku, man bende ng’om ku piny ceke mi ie.—Thangambere 1:1.

Ecwiyo Adamu, ng’atu ma nico ma kwong’a, ni ai kud i utur mi ng’om.—Thangambere 2:7.