KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb mba. 3
  • Barua m’uai i Guriri m’utelowic

Thenge maeni umbe ku video.

Tim kisa, kosa moko uwok rek.

  • Barua m’uai i Guriri m’utelowic
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Tuige Imani Yao (Walub yioyic migi)
    Tic Mwa mi Ker—2015
  • Penji mi poyowic iwi thenge mir 2
    Icopo kwo kud anyong’a rondo ku rondo!—Buku mi ponjo Biblia
  • Kite mi tio ku nyathibuku Jukani m’Ubetimo Yeny pa Yehova Tin?
    Buku mi coko mi—Kwo man tic mwa mi Jukristu (2017)
  • Wec mir acaki
    Cew!—2019
Nen lembe mange m'utie
Nwang’ ponji niai kud i kpawa mi Biblia
lfb mba. 3
Juruot moko gibetiyo ku Biblia kinde ma gibeponjo buku Nwang’ ponji niai kud i kpawa mi Biblia karacelo

Barua m’uai i Guriri m’utelowic

Umego ku nyimego ma jumer:

Wa dhanu pa Yehova, wamaru Lembe pare, Biblia. Wayiyo andha nia Biblia ukoro lembe ma tap tap, nia etie ku telowic ma cuu pi kwo man nia enyutho pi mer ma yawe mbe ma Yehova umaru ko dhanu. (Zaburi 119:105; Luka 1:3; 1 Yohana 4:19) Pieno, watie kud ava ma lee mi konyo dhanu mange bende ging’ey lemandha ma pire tek ma nwang’ere i Lembe pa Mungu. Eno uketho watie ku mutoro mi tuko ngo niwodho buku maeni ma thiwiye tie, “Nwang’ ponji niai kud i kpawa mi Biblia.” Re wukewek wacod iwu lembe moko nyanok iwi bukune.

Juyiko lembe ma pol m’i buku maeni asagane pir awiya. Ento eromo konyo bende judongo ma gibemito ging’ey lembe lee iwi Biblia. Calu ma Biblia utie buku ma pi dhanu zoo, m’umbe jiji wan ceke wabinwang’u bero kinde ma wabesomo ponji ma tung’ tung’ m’i iye, ma copo konyowa kara wabed ku mutoro mandha.

Buku maeni ujengere iwi Biblia pi nikoro kpawa mi dhanu niai i acaki mi cwic. Jutimo kero lee kara jukor kpawane terere man i ayi ma nyang’ i iye yot; bende juii i kadhiri ma copere pi nikorogi nzii ku dhoggi nimakere ku kite ma lembene ubed utimere ko.

Pieno, buku maeni ukoro ngo kende kende kpawa mi Biblia. Juyiko wec man cal ma tung’ tung’ ma n’i iye i ayi ma ketho ng’atini nwang’ere ve en’i kaka ma lembe ma jukoro ubetimere i iye man ewinjere i kite ma ju ma jukoro pigi gibewinjiri ko.

Buku maeni ubekonyowa ning’eyo lembe ma Biblia ukoro iwi ju ma gigam giworo Yehova man iwi ju ma giwore ngo. Bende, ebekonyowa ninwang’u ponji i kum lapor migi. (Jurumi 15:4; 1 Jukorintho 10:6) Buku maeni tie ku thenge 14. I acaki mi thengeneman, junwang’u lembe ma dongo m’ukoro pi ponji moko ma wacopo nwang’u.

Tek itie janyodo, kwayu isom ponjiman karacelo ku nyathin peri man wuwec iwi cal. I ng’eye, wun ario zoo wucopo somo verse ma ponjine ucungo i wiye. Kony nyathin peri unyang’ i winjiri m’utie i kind lembe m’ebesomo i Biblia ku ponji ma n’i buku maeni. Jucopo timo kumeno pi nikonyo kadok ng’atu ma wang’e teng’ini kara enyang’ i lembe ma dongo ma nwang’ere i Biblia.

Watie ku genogen nia buku maeni bikonyo dhanu ceke m’adundegi tie ayika, nik’ebed awiya kunoke judongo, kara ginwang’ ponji i Lembe pa Mungu man gitii kude i kwo migi. Eno biketho gin de gibimondo i kind juruot pa Mungu m’emaru ma gibetimo ire thier.

Umego mwu,

Guriri m’utelowic mi Jumulembe pa Yehova

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini