Lembe ma nwang’ere i thenge mir 11

Thenge maeni biweco iwi lembe ma nwang’ere i Lembagora mi Jugiriki mi Jukristu. Yesu unyolere i ot mi can man ku jupagi gibed gikwo i adhura moko ma nyanok. Ebed etimo tic karacelo ku won ma tie jabodho mi bau. Yesu ubino ng’atu ma bibodho dhanu. Yehova re m’ung’iye kara ebed Ubimo mi Ker mi polo. Tekene itie janyodo, kony nyathin peri unen kite ma Yehova ugam ung’iyo ko cuu mandha ot man kaka ma Yesu romo dongo i iye. Konye enen bende ayi ma Yehova ugam ugwoko ko Yesu kara Herode kud unege, man eng’ey nia gin moko mbe ma copo cero Yehova ku pong’o lembakeca pare. Keth eng’ey bende ayi ma Yehova utiyo ko ku Yohana pi niyiko yo ni Yesu. Keth nwoc iwi kite ma Yesu unyutho ko nia emaru rieko m’uai i bang’ Yehova kadok saa ma fodi etie aradu.