CAKU THE WEC
PONJI MIR 2
Wek wec umol gire
Cik mir ukungu: “Lembe [ma juyero] i nindo ma kakare, e ber mire ma!”—Rie. 15:23.
Gin ma Filipo utimo
1. Nen VIDEO, kunoke som Tic mi Jukwenda 8:30, 31. I ng’eye dwok wang’ penji m’ulubo:
Filipo ucaku the wec nenedi?
Pirang’o eno ubino ayi ma ber mi caku the wec man mi ponjo lemandha ma nyen ni Jaethiopia?
Ponji ma wacopo nwang’u
2. Tek waweko wec umol ma ber, m’umbe jiji eno biketho jumange gibiwinjiri ma cuu man gibibedo ayika niwinjo rwonglembe ma watero igi.
Lub lapor pa Filipo
3. Bed ng’atu ma neno lembe. Ayi ma ng’atini ubenen ko kinde m’ebeweco man kite m’ebetimere ko copo nyutho lembe lee i wiye. Nyo ubenen nia etie kud ava mi weco kudi? Pi nicaku weco iwi lemandha mi Biblia, icopo penjo kende kende kumae: “Nyo ing’eyo de nia . . . ?” Kud idii ng’atini adiya nia ewec kudi.
4. Bed ku cirocir. Kud ipar nia ukwayu icak weco iwi lemandha mi Biblia ndhundhu. Kur saa mange ma wucopo weco i iye ma ber iwi lemandha ku ng’atune. Saa moko eno copo kwayu nia ikeikur nindo mange m’ibiweco i iye kude.
5. Wil bodho. Wec mwu copo deny iwi lembe mange. Pieno, bed ayika niweco iwi paru m’utie ku kony ni ng’atu ma wubeweco kude, kadok bikwayu nia wuwec iwi lemandha mi Biblia m’ukoc ku ma nwang’u iyiko de.