Lembang’eya pi ju m’ubino i coko

JOL Umego ma juketho pi nijolo dhanu gitie ayika nikonyi. Wakwayi ilub telowic ma gibimiyo pi parking, iwi kite mi wotho i ka coko maeni, man iwi lembe m’uneno gwoko kabedo ni dhanu m’iwotho kugi, ku lembe mange de.

BATIZO Kan alokaloka mange mbe, jubiweko kom m’i wang’e, atira ku bop, ni ju ma bilimo batizo. Gibilar cibedo iwi kom m’i wang’ene i wang’ korolembe mi batizo ma bikadhu nyangu mi ceng’ soko. Ng’atuman biwotho ku bongu m’ebimondo ko i pii man bongu m’ebiweyo ko kume.

GIRAMIYA Kara coko maeni ukadh ma ber man ekonywa wacor ceng’ini i vut Yehova, jutiyo ku sente lee akeca pi niyiko kabedo, jamtic mi koko dwal, jamtic mi video, ku piny mange dupa. Giramiya peri ma ku berocwiny bikonyo pi culo wang’ garama maeno man nitielo tic mi Ker i ng’om zoo. Pi nidwoko lembe yot, juketho sanduku mi giramiya ma jukiewo kumgi cuu kaka ma tung’ tung’ mi coko maeni. Icopo miyo bende giramiyane nikadhu kud i kusika mwa mir Internet donate.jw.org. Giramiya ceke pigi tek. Guriri m’utelowic ubefoyi lee dit pi giramiya peri ma ku berocwiny m’ibetielo ko tic mi Ker kara tije ucidh i wang’e.

YATH MIR ULARNG’ADI Poy nia yath maeni tie pi nilaru remo ma pio pio kende.

PINY M’URWINYO MAN MA JUNWANG’U Jucikiri nitero piny ceke ma junwang’u anwang’a i odi tic mi piny m’urwinyo man ma junwang’u. Ka piny peri moko urwinyo, cidh i odi tic maeno pi nineno ka nyo pinyne gi peri. Juromo tero bende awiya m’urwinyo ni jurunyodo migi kuca. Ento pi niuro adieng’acwiny mi mananu ku peko mange ma romo wok, wakweyi igwok awiya peri ubed i ng’eti.

KABEDO Tim kisa par pi dhanu mange. Ng’ey nia e ber nigwoko kabedo kende kende ni juruot peri, ni dhanu ma wuwotho kugi, ni ju ma wubekwo kugi i ot acel, kunoke ni ju m’iponjo kugi Biblia. Tim kisa kud iketh gin moko iwi kom mange m’imbe ku yenyne, kara kud ucer kabedo ni dhanu mange.

JU MA GIMIYIRI KU BEROCWINYGI Kan imaru ikony tic moko i kaka coko ma dit maeni, cidh inyuthiri i odi tic mi lembang’eya man i odi tic mi ju m’umiyiri ku berocwinygi.

Guriri m’utelowic mi Jumulembe pa Yehova re m’uyike