Dok iwi somo mi tic mi theokrasi
Jubitio ku penji m’ulubo piny e i somo mi tic mi theokrasi i yenga mi nindo 26, dwi mir 10, 2015.
Lembe ma nwang’ere i 2 Ubimo 13:18, 19 unyutho nenedi bero mi bedo kud amora man mi timo ni Mungu kud adunde ceke? [Yenga mi nindo 7, dwi mir 9, w10-F 15/4 mba. 26 udu. 11]
Nimakere ku giragora pa 2 Ubimo 14:23-25, ng’a m’ubino nibimo i Israel kinde ma Yona ubino jabila, man lembang’o ma ber ma wacopo nwang’u ikum tic pa Yonane? [Yenga mi nindo 7, dwi mir 9, w09-F 1/1 mba. 25 udu. 4]
Ahaz unyutho nenedi nia ebino mbe ku genogen i Lembe pa Mungu, m’uyerere nikadhu kud i dhu jabila Isaya, man wacopo nipenjara nenedi ka wabemaku yub ma pigi tek? (2 Ub. 16:7) [Yenga mi nindo 14, dwi mir 9, w13-F 15/11 mba. 17 udu. 5]
Rabcake utio ku yo makani ma tin de judhu dhanu pa Mungu gibed gitio ko, man kite kunoke kurayung’ makani ma copo nikonyowa kara wakwer paru mi ndra mi judhogwa? (2 Ub. 18:22, 25) [Yenga mi nindo 14, dwi mir 9, w10-F 15/7 mba. 13 udu. 3-4]
Lapor mi jwigiri pa Yosia copo konyowa nenedi ninwang’u kony lee niai i som man i ponji mwa mi Biblia? (2 Ub. 22:19, 20) [Yenga mi nindo 21, dwi mir 9, w00-F 1/3 mba. 30 udu. 2]
Sayusac iwi dong’ piny ma jubed jutio ko yang’ con (archéologie) unyutho nenedi nia Ubimo ario ma juweco pigi i 2 Ubimo 25:27-30, gikwo andha? [Yenga mi nindo 28, dwi mir 9, w12-F 1/6 mba. 5 udu. 2-3]
Yabez upenjo lembe adek makani ibang’ Yehova, man kwac parene copo mio iwa ponji makani iwi rwo? (1 Kei. 4:9, 10) [Yenga mi nindo 5, dwi mir 10, w10-F 1/10 mba. 23]
Matoke mi lwiny ma jukoro pire i 1 Lemkei 5:18-22 copo niketho cwinywa nenedi kara wamedara nikedo lwiny mwa mi tipo ku tegocwiny? [Yenga mi nindo 12, dwi mir 10, w05-F 1/10 mba. 9 udu. 7]
Lembang’o m’ukonyo Daudi ninyang’ man niworo paru ma nwang’ere i cik pa Yehova iwi dwoko rimo leng’, man lapor pa Daudi copo cwaluwa nitimo ang’o? (1 Kei. 11:17-19) [Yenga mi nindo 19, dwi mir 10, w12-F 15/11 mba. 6-7 udu. 12-14]
Daudi utimo ngo ang’o ma nwang’u ukwayu etim, kinde m’emito nitero hema mi lembariba i Yerusalem, man wacopo ninwang’u ponji makani ma pire tek niai kud i lembe maeno? (1 Kei. 15:13) [Yenga mi nindo 26, dwi mir 10, w03-F 1/5 mba. 10-11 udu. 11-13]