MIIRI ZOO I TIC MI RWEYO LEMBANYONG’A

Kampany mi lwong’o dhanu i coko madit mir adhura

Jamulembe pa Yehova acel ucungo ing’et jamtic ma jucwalu acwala ku girasoma i wie, man eberweyo lembanyong’a ni ng’atu moko ma nico

Kubang’ oro, wabed wakuro kud ava madit cemo mabeco mi tipo ma wabed wanwang’u i coko mwa madit mir adhura. Kara dhanu mange bende gibil bero pa Yehova, wabitimo kero mwa ceke nilwong’o dhanu dupa akeca gibin gicokiri karacelo kudwa. (Zab 34:8) Judong cokiri bineno lembe ma gicopo timo kara dhanu dupa akeca ginwang’ karatasi mi lwong’o.

LEMBE M’UKWAYU IGWOK I WII

Coko madit mir adhura bitimere awene?
Kampany mi lwong’o dhanu bicaku awene i bang’wa?
Coko ma tung’ tung’ mi cidho nirweyo lembanyong’a bebedo nindo makani
Lembakeca para tie ang’o pi kampany maeno?
Apangu nia abilwong’o ng’agi?

LEMBE M’IBIYERO

Karatasi mi lwong’o dhanu pi coko madit mir adhura, mi oro 2016

Mothe kite ma jubed jumotho ko dhanu i beng’wu, ing’eye icopo yero kumae:

“Wabetimo kampany mi lwong’o dhanu i ng’om ceke gibin i coko moko ma pire tek lee. Iwi karatasi maeni, ibinwang’u nindo, saa man kaka ma cokone bitimere i ie i bang’wa. Wabifoyo dit tundo peri i kindwa.”

LEMBE M’ICOPO TIMO KARA NG’ATINI UMEDERE NIBEDO KUD AVA

Gazeti Réveillez-vous! No. 2 2016 | Nyo Biblia tie kende kende buku maber?

Ukwayu watim kero mwa ceke pi lwong’o dhanu dupa akeca gibin i coko madit mir adhura, re eno kende uromo ngo; ukwayu bende wakonygi gimediri nibedo kud ava mi ponji mwa.

Ceng’ soko ku ceng’ yenga, wacopo mio karatasi mi lwong’o karacelo ku gazeti.