KWO MI JUKRISTU
Acopo nitimo tic pa jayab yo ma jakony awene?
Gin ma wok i wang’ mir hekalu ma Ezekiel uneno ubenyutho nia dhanu pa Yehova gibimiiri gigi. Ng’atuman acel acel m’ikindwa romo nimio nenedi lam mi pak?—Eb 13:15, 16.
Yo acel maber akeca utie nitimo tic pa jayab yo ma jakony. Oro mi tic 2018, utie ku dwi dupa ma tie ku ceng’ soko abic kunoke ceng’ yenga abic. Eno copo konyo asagane dhanu ma tic migi mi kum becerogi nirweyo lembanyong’a i kind yenga, kara girwei asaga i thum pa yenga. M’umedo maeno, jurwei romo ng’io nirweyo pi saa 30 kunoke 50 ikind dwi mir adek kunoke dwi mir ang’wen man i dwi ma jaliew mi twodiri uliewo ie cokiri.
Wacopo nitimo ang’o kan etie tek iwa nitimo tic pa jayab yo ma jakony? Wacopo nimedo bodho mwa i tic mi rweyo lembanyong’a, kunoke ka copere, nitimo ticne lee. Nimakere ku copo mwa, mer ma wamaru ko Yehova bicwaluwa nitimo ire ku kero mwa ceke pi oro mi tic 2018!—Hs 14:2.
Acopo bedo kud amora ma calu pa Sabina Hernández nenedi?
WUNEN VIDEO SABINA HERNÁNDEZ—GRÂCE À JÉHOVAH, JE PEUX PRESQUE TOUT FAIRE, MAN WUDWOK WANG’ PENJI M’ULUBO E:
Ang’o m’ucwalu Sabina nirweyo lembanyong’a lee?
Lapor pa Sabina ubecweli nitimo ang’o?
I dwi makani m’icopo nitimo ie tic pa jayab yo ma jakony pi oro mi tic 2018?