Mediri nikio man nibedo tek i thenge mi tipo i saa mir alokaloka

Alokaloka bewok pare kwa, akecane zoo i nindo maeni mi kajik ceng’. (1Ko 7:31) Kadok nyo wayikara pire kunoke ngo, nyo etie alokaloka maber kunoke marac, ecopo ng’ondo kind ng’io mwa maber mi tipo man eketho winjiri mwa ku Yehova i ariti. Ang’o ma bikonyowa nikio man nibedo tek i thenge mi tipo i saa maeno? Nen video ma thiwie tie Wamedara nigwoko ng’io mwa maber mi tipo i saa ma wawilo kabedo, man i ng’eye dwok wang’ penji mae:

• Umego moko ugam umio juk makani ni won ot maeno?

• Juruot maeno gitio nenedi ku cik mir ukungu ma nwang’ere i Matayo 7:25?

• Juruot maeno gilar gipangu nenedi pi varu migi, man nilar pangu lembene iwang’e ukonyogi nenedi?

• Ang’o m’ukonyogi ning’iyo kud alokaloka i cokiri migi man i kabedo mi rweyo lembanyong’a?

Alokaloka makani matung’ tung’ m’akadhu i ie nindo manok eni?

Acopo tio ku cik mir ukungu m’aponjo i video maeni nenedi i lembe m’abekadhu i ie?