Junyodo, wukony awiya mwu kara lembe woth igi miero

Junyodo ma lworo Mungu gibed gikuro kud ava ma lee dit nia awiya migi dok jurutic pa Yehova. Pi nikonyogi kara gitim ni Yehova kud adundegi ceke, ubekwayu junyodo gipidh ponji mi Biblia i adunde awiya migi niai ma fodi githindho. (Pc 6:7; Rie 22:6) Re pi nipidho ponjine, ubekwayu nia junyodo gimiiri man gitim kero lee mandha. Ka gitimo kumeno, ginwang’u bero ma lee m’usagu kero ma gitimo.​—3Yh 4.

Junyodo gicopo nwang’u ponji dupa niai kud i lapor pa Yosefu giku Maria. “Gibegicidho Yerusalem ku ba rundi i agba mi Kadhukuwijo,” kadok wothne ubed ucamu sente lee, man ubed ukwayu gitim kero de. (Lk 2:41) Ubenen kamaleng’ nia Yosefu giku Maria gibed giketho lembe mi tipo i kabedo ma kwong’a i ot migi. Tin de, junyodo gicopo telo wi awiya migi i yo m’atira, nwang’u gibeponjogi saa ceke nikadhu kud i wec man timo migi.​—Zb 127:3-5.

WUNEN VIDEO MA THIWIE TIE GITIO KU KAKA CEKE M’UNEN, MAN I NG’EYE, WUDWOK WANG’ PENJI M’ULUBO E:

• Umego Jon Schiller giku min ot pare Sharon gitimo nenedi kara giketh Ker pa Mungu i kabedo ma kwong’a, man gitung bende awiya migi?

• Pirang’o junyodo gicikiri niponjo nyathinman, nitelo wie man nitwinye nimakere ku oro pare man yeny pare?

• Junyodo gicopo ponjo awiya migi nenedi kara gicung ma tek i wang’ amulaic mi yioyic migi?

• I kind jamtic ma tung’ tung’ ma dilo pa Yehova uwodho, idaru tio ku ma kani pi nikonyo awiya peri kara giteng’ini i thenge mi tipo?