LONYO MA NWANG’ERE I LEMBE PA MUNGU | LUKA 10-11
Lapor pa Jasamaria ma cwinye leng’
Yesu umio lapor pa Jasamaria ma cwinye leng’, pi nidwoko wang’ penji ma e: “Wada en e ng’a?” (Lk 10:25-29) Elar eng’eyo nia cokiri mi Jukristu bibedo ku dhanu mi kwonde ceke, uketho i ie Jusamaria ku dhanu mi thek mange bende. (Yh 12:32) Lapor maeno uponjo julubne nia gicikiri nitimo kero migi ceke pi ninyutho mer ni dhanu mange, kadok dhanu mi thek mange.
PENJIRI KUMAE:
‘Abed abedo ku paru ma kani iwi umego ku nyimego mi suru mange?
‘Nyo abed anwang’ara kwa ku dhanu ma kwo migi urombo ku para?’
‘Nyo acopo timo kero para ceke pi ning’iyo kud umego ku nyimego mi suru mange?’ (2Ko 6:13)
Ng’a m’acopo lwong’o pi . . .
nirweyo kude lembanyong’a?
nibino i pacu para kara wacam kude?
nidikere kudwa i thier mwa mi juruot?