Wamed bodho mwa i tic mi rweyo lembanyong’a​—Cak thewec ma copo mio iri kaka mi mio lembatuca

Yesu utundo nimio lembatuca ni Dhasamaria i saa m’epangu ngo, pilembe en re m’ecaku weco i bang’ dhakune. Wacopo medo bodho mwa i lembanyong’a nenedi kinde ma wabecaku wec ku ng’atu ma wang’eyo ngo?

• Bed iwec i bang’ dhanu ma weng’i agonya. Kadok nwang’u Yesu uol de, re ecaku wec kende kende ku kwayu pii m’amadha. Pieno, icopo caku ku moth ma yawyaw, man nyo i ng’eye icopo niweco iwi koth m’ubecwii kunoke ceng’ m’uberieny akeca, mutukari m’ubegalu, kunoke niweco iwi lembe moko m’ubetimere. Poi nia lembakeca mi kwong’o utie kende kende nicaku wec ku ng’atini, pieno ng’ii lembe ma copo foyo ie. Tek eng’olo ngo dhogi de, lemoko mbe. Pim i bang’ ng’atu mange. Kwai Yehova umii iri tegocwiny.​—Ne 2:4; Tic 4:29.

• Woth kio ka nyo yo moko mi royo wec mi lembanyong’a copo nen, ento kud iroye ndhu ndhu. Kewek wec ukeumol ma ber. Kan icaku weco iwi lembanyong’a wang’ acel, lworo copo maku ng’atu m’ibeweco kude, man ecopo jigo wec. Ka wec ujik ma fodi imio ngo lembatuca, cwinyi kud utur. Ka lworo royo wec mi lembanyong’a benegi, kepim nicaku weco iwi lemange m’umbe nikeco nia ibimio lembatuca. [Keth junen video mi 1, man wuwec i wie.]

• Pim nisayu yore moko m’icopo mio ko lembatuca. Icopo weco iwi yioyic peri ire, i kite ma romo cwale nipenji nia ikekor ire lembene. Yesu uyero wec m’utelo nen pa Dhasamaria, man ucwale nipenjo penji. Kinde m’eroyo wec mi lembanyong’a, ebino dwoko kende kende wang’ penji pare [Keth junen video mir 2, man wuwec i wie. I ng’eye, keth junen video mir 3, man wuwec bende i wie.].