Yehova en e mandha

10:13

Yehova copo ng’io nia ekab amulaic ma wanwang’ara ko. Re wang’ ma pol eketho “yojboth,” niwacu emio iwa gin ma watie ku yenyne kara wacir amulaic m’umbe nivoc.

• Ecopo konyowa wapar lembe i ayi ma cuu, ecopo juko man ecopo tielo cwinywa nikadhu kud i Lembe pare, tipo pare maleng’ man cam mi tipo m’emio iwa.​—Mt 24:45; Yh 14:16; Rm 15:4

• Ecopo tio ku tipo pare maleng’ pi nikonyowa wapoi i kum lembe ma jukoro pigi i Biblia, man iwi cik mir ukungu kara watund nimaku yub mi rieko.​—Yh 14:26

• Ecopo tio ku jumalaika pare pi nikonyowa.​—Eb 1:14

• Ecopo konyowa nikadhu kud i bang’ juyic wadwa.​—Kl 4:11