Ibiyikiri nenedi pi Poi pi tho pa Yesu?

Niai i oro maeni, wabibedo ku saa lee ma wayikara ko pi Poi pi tho pa Yesu. Kan epodho i nindo mi ceng’kasi, jubitimo ngo coko mi Kwo man tic yenga maeca. Ka nindone podho ceng’ soko kunoke ceng’ yenga ke, korolembe mi dhanu ceke man ponji mi Otkur ma Wiw bibedo mbe. Nyo ibitio cuu ku saa maeno ma bidong’ pi program peri mi tipo? Calu i rundi ma kwong’a, tin bende kwayu wayikara cuu pi coko maeno ma segi. (Lk 22:7-13; km-F 3/15 mba. 1) Re lembe mange de nuti ma wacikara nitimo kara wanwang’ kony lee i coko maeno. Wacopo timo nenedi?

• Par cuu nia pirang’o pire tek nicokiri i Poi pi tho pa Yesu.​—1Ko 11:23-26

• Rwo man ng’ii i winjiri peri ku Yehova.​—1Ko 11:27-29; 2Ko 13:5

• Som man nyam i giragora ku girasoma m’ukoro thelembe mi Poi pi tho pa Yesu.​—Yh 3:16; 15:13

Jurwei moko besomo man ginyamu i giragora ma jupangu pi Poi pi tho pa Yesu ma nwang’ere i nyathibuku Examinons les Écritures chaque jour. Jumange somo giragora ma tung’ tung’ ma junyutho i mbaya maeni ku m’ulubo. Jumange ke dok iwi thiwiwec ma tung’ tung’ mi Otkur ma Wiw m’uweco iwi Poi pi tho pa Yesu man mer ma Yehova giku Yesu ginyutho iwa. Kadok ing’io yore ma kani pi nitimo ponjine de, dong’ wek ekonyi icor ceng’ini mandha ku Yehova man ku Wode ma Yesu.