Aradu​—‘Wubed kud ava tic ma ber’

I waraga ma jakwenda Paulo ukiewo ni Tito ku kony mi tipo maleng’, eyero nia aradu ceke, uketho i ie Tito bende, gicikiri nibedo ni lapor ma cuu i lembe ceke. (Tt 2:6, 7) I ng’eye, ekiewo nia Yesu udwoko dhanu pa Yehova leng’ kara gibed “kud ava tic ma ber.” (Tt 2:14) I kind ticne, wacopo kwanu tic mi rweyo lembanyong’a mi Ker pa Mungu man mi ponjo dhanu ku lemandha. Kan itie aradu, nyo icopo tio ku tego peri pi nibedo jayab yo ma jakony kunoke ma nja?​—Rie 20:29.

Kan imito doko jayab yo, pang lembe cuu kara ibin itim ticne ma ber. (Lk 14:28-30) Ku lapor, ibinwang’u sente nenedi pi nipong’o yeny peri mi kum kinde m’ibetimo tic pa jayab yo? Ibipong’o wend saa m’ukwayere nenedi? Kwai Yehova ukonyi. (Zb 37:5) Wec karacelo ku junyodo peri iwi yub m’imaku, man ku ju m’ubetimo tic pa jayab yo cuu. I ng’eye, tim lembe m’ukwayere kara ipong’ lembakeca peri. Ng’ei nia Yehova bimio iri mugisa pir amora m’imito timo ko tic pare!

NEN VIDEO MA THIWIE TIE ARADU GIBEYUNGO YEHOVA, MAN I NG’EYE DWOK WANG’ PENJI M’ULUBO E:

• Jumoko givoyo peko ma kani pi nidoko juyab yo, man gitimo nenedi?

• Junyodo copo konyo awiya migi nenedi kara gidok juyab yo ma nja?

• Pirang’o pire tie tek nibedo ku program mi rweyo lembanyong’a?

• Umego ku nyimego gicopo nimio amora i kum juyab yo man nikonyogi nenedi?

• Juyab yo ginwang’u mugisa ma kani?