KWO MI JUKRISTU

Ng’om ‘umwonyo kulo’

Niai i rundi ma con, judong ng’om bekonyo dhanu pa Yehova. (Ezr 6:1-12; Es 8:10-13) Kadok i rundi ma tin de, “ng’om” m’ubenyutho judong ng’om ma giluro i lembe cuu, uwotho mwonyo “kulo” mi ragedo ma “ng’ec,” niwacu Sitani Wonabali ubecukunyayu. (Ny 12:16) Saa moko, Yehova ma tie “Mungu mi both” copo tio ku judong ng’om pi nibodho dhanu pare.—Zb 68:20; Rie 21:1.

Dong’ ka jutwiyi i kol pi yioyic peri ke? Ng’ei nia Yehova ni kudi. (Th 39:21-23; Zb 105:17-20) Bed ma cwinyi tek nia ebimio iri mugisa pi yioyic peri, man ng’ei nia gwokobedoleng’ peri ubetego cwiny umego ku nyimego m’i wang’ ng’om zoo.—Flp 1:12-14; Ny 2:10.

NEN VIDEO MA THIWIE TIE JUGONYO UMEGO MWA MA JUTWIO I KOL I KOREA!, MAN I NG’EYE DWOK WANG’ PENJI M’ULUBO E:

Pirang’o jugam jutwio umego mwa ma dupa mi Korea ma yo piny i kol i kind oro m’ukadhu ceng’ini eni?
Ang’o m’uketho jurucik ugonyo umego mwa ma nwang’u fodi gidaru ngo nindo ma jung’olo i wigi?
Wacopo timo ang’o pi nikonyo umego mwa mi tung’ ng’om zoo ma jutwio i kol pi yioyic migi?
Ukwayu watii nenedi ku bedagonya moko ci ma watie ko kawoni?
Ng’a m’umaku unwang’ dwong’ pir aloci moko ci ma wawotho nwang’u i wang’ pido?

Fotho mi kol acel ma jugam jutwiyo Jumulembe pa Yehova i ie; barua ma tung’ tung’ ma Jumulembe pa Yehova gioro i filial mi Korea, i ng’eye juoro baruane zoo ni umego ma jutwiyo i kol; wego moko ugwaku wode saa ma jugonye kud i kol — Abetio nenedi ku bedagonya m’atie ko?