Wii kud uwil nirwo pir umego ku nyimego ma gibenwang’iri ku ragedo

Biblia ular uewo nia Sitani binyayu ragedo i kumwa kara ecer tic mwa mi rweyo lembanyong’a. (Yh 15:20; Ny 12:17) Wacopo timo ang’o pi nikonyo umego ku nyimego wadwa ma jubenyayu ragedo i kumgi i ng’om mange? Wacopo rwo pigi. “Kwac pa ng’atu ma pwe yire dit i ticne [niwacu, utie ku matoke maber].”​—Yk 5:16.

Wacopo rwo pi lembe makani? Wacopo kwayu Yehova umii tegocwiny ni umego ku nyimego mwa man ekonygi kara kud gibed ku lworo. (Is 41:10-13) Wacopo rwo bende pi judong ng’om kara gibed ku nen maber iwi tic mwa mi rweyo lembanyong’a, “kara wanwang’ bedo mi kwiocwiny man [kwo] ma yo.”​—1Tm 2:1, 2.

Kinde ma junyayu ragedo ikum Jakwenda Petro man Paulo, Jukristu mi rundi dage ma kwong’a girwo pigi man gilwong’o nying’gi i rwone. (Tc 12:5; Rm 15:30, 31) Kadok nwang’u nyo wang’eyo ngo nying’ umego ku nyimego ceke ma jubenyayu ragedo ikumgi tin de, nyo wacopo ngo niketho kadok nying’ cokiri, ng’om, man kabedo ma ginwang’iri i ie i rwo?

Kiew nying’ ng’om moko ma jubenyayu ragedo ikum umego ku nyimego i igi