Lembe ma ju m’ugamiri copo timo kara gamiri migi ucung ma tek

Abraham giku Sara gitie lapor ma ber ni ju m’ugamiri ni kum mer man woro ma gibed ginyutho i kindgi. (Th 12:11-13; 1Pe 3:6) Re kadok kumeno de, gibino dhanu ma leng’ ungo man gibed giciro bende peko i gamiri migi. Ponji ma kani ma ju m’ugamiri gicopo nwang’u ni kum lapor pa Abraham giku Sara?

Wubed wuwec i kindwu. Ka jadhogi mi gamiri uyero iri lembe moko ma cuu ngo ku dhu ng’eicwiny, kud iwek lembe uton i ii, ento nyang’ kude. (Th 16:5, 6) Wumak yub ma wubed wunamb ko karacelo. Nikadhu kud i wec man timo peri, bed inyuth nia imaru jadhogi mi gamiri. M’usagu zoo, wun ario ceke wuketh winjiri mwu ku Yehova ubed ma tek, nwang’u wubeponjo Lembe pare, wuberwo man wutimo ire karacelo. (Ek 4:12) Gamiri m’ucungo ma tek mio yung ni Yehova, kum en re m’ecaku there.

NEN VIDEO MA THIWIE TIE KITE MI KETHO GAMIRI PERI UCUNG MA TEK. I NG’EYE, DWOK WANG’ PENJI M’ULUBO E:

• I video maeni, ang’o m’unyutho nia Shaan ku min ot pare Kiara kindgi bino ngo ceng’ini?

• Pirang’o pire tek lee nia ju m’ugamiri gibed giwec i kindgi thwolo thwolo?

• Lapor pa Abraham giku Sara ukonyo Shaan giku Kiara nenedi?

• Shaan giku Kiara gimaku yub ma kani pi niketho gamiri migi ucung ma tek?

• Pirang’o won ot ku min ot pare gicikiri ngo niyenyo nia gamiri migi ubed leng’ m’umbe kosa moko acel de?