Ayi mi tiyo ku thenge mi Kite ma waromo weco ko ku dhanu

Umego gibetimo tic ma lee pi niyiko thenge mi Kite ma waromo weco ko ku dhanu, man jurwey lembanyong’a ma pol de ginwang’u nia tiyo kude ubemiyo adwogi ma ber i kabedo ma girweyo i iye. Ento calu lembe ubed ukoc nimakere ku kabedoman, i tic mi rweyo lembanyong’a umego ku nyimego gicopo tiyo kud ayi ma tung’ tung’ mi caku the wec ku dhanu kunoke giromo weco iwi lembe moko mange ma gineno nia romo wok ma ber i kabedo ma giberweyo i iye. Re kan etiye telowic mi kampany moko ma segi, dhanu ceke ucikiri nilubo telowicne kumeca. Lembakeca mwa utiye nipong’o wec pa Yesu m’eyero ko nia jurwey lembanyong’a mi Ker.​—Mt 24:14.

Pi nitimo thengponji mir awiya mi somo, jurwey lembanyong’a gicikiri niweco iwi lembe ma nwang’ere i thenge mi Kite ma waromo weco ko ku dhanu ma n’i Buku mi coko mi Kwo man tic. Re katekene jumiyo ngo telowic moko mange ma segi, gitiye agonya niwilo penji, giragora, lembe ma gibiweco i wiye i nindo ma cen, kunoke saa ka gineno nia ecopo wok ber i kabedo ma girweyo i iye. Lembe maeni ubewilo telowic ma nwang’ere i Buku mi coko mi dwi mir 6, 2020, mbaya mir 8.